ازيا چەمپيوناتىنىڭ ەرەجەسى بويىنشا, قۇرلىق باسەكەسى ءار ەكى جىلدا ءبىر رەت وتكىزىلىپ تۇرادى. رەتتىلىك بويىنشا ازيا بىرىنشىلىگى 2023 جىلى وزبەكستاننىڭ استاناسى – تاشكەنتتە ۇيىمداستىرىلۋى كەرەك ەدى. الايدا بيىل قىتايدا وتەدى دەپ جوسپارلانعان جازعى ازيا ويىندارى بەلگىلى سەبەپتەرمەن كەلەسى جىلعا شەگەرىلگەندىكتەن, ازيا بوكس كونفەدەراتسياسىنىڭ باسشىلىعى جارىس كۇنتىزبەسىنە وزگەرىس ەنگىزىپ, ازيا چەمپيوناتىن ءبىر جىل ەرتە وتكىزۋگە شەشىم قابىلدادى.
سپورتتى دامىتۋ ديرەكتسياسىنىڭ مالىمەتى بويىنشا, قايرات سəتجانوۆ جاتتىقتىراتىن بوكستان قازاقستان ۇلتتىق قۇراماسى الماتى وبلىسىنىڭ بايتەرەك اۋىلىنداعى ورتالىقتا وقۋ-جاتتىعۋ جيىنىن وتكىزىپ, اممان قالاسىنا اتتانىپ كەتتى. ادەتتە, ازيا بىرىنشىلىگىنە باراتىن بوكسشىلاردىڭ ەسىمى چەمپيوناتقا ەكى اپتا قالعاندا بەلگىلى بولىپ قوياتىن. بۇل جولى باپكەرلەر قۇرامى كەي سالماقتاردا يوردانياداعى دوداعا كىمدى اپاراتىنىن بىلمەي, ءبىراز باس قاتىردى.
ماسەلەن, اسا جەڭىل سالماقتا 2021 جىلعى الەم چەمپيونى, قازاقستان بىرىنشىلىگىنىڭ بەس دۇركىن جەڭىمپازى تەمىرتاس ءجۇسىپوۆ, ەل چەمپيونى دانيال ءسابيت جانە جاستار اراسىنداعى الەم چەمپيوناتىنىڭ جەڭىمپازى سانجار تاشكەنباي اراسىنان ۇزدىكتى تاڭداۋ قيىنعا سوققانى انىق. بارلىعى دا سايدىڭ تاسىنداي ىرىكتەلگەن بوكسشىلار. 63,5 كيلو سالماقتا دا كىل مىقتىلار جينالعان. جۋىردا عانا استانادا وتكەن «ەلوردا كۋبوگى» ءتۋرنيرىنىڭ جۇلدەگەرلەرى – مۇحامەدسابىر بازارباي ۇلى, ءساناتəلى تولتاەۆ پەن سۇلتان مۋسين ۇشتىگىنەن تەك ءبىر بوكسشى عانا تاڭدالۋى كەرەك. ال 75 كيلوعا دەيىنگى سالماقتا ەل چەمپيونى نۇرقانات رايىسقا تəجىريبەلى تۇرسىنباي قۇلاحمەت پەن كەيىنگى كەزدەرى ءتاۋىر ناتيجە كورسەتىپ, مامانداردىڭ كوزىنە ءتۇسىپ جۇرگەن تيمۋر نۇرسەيىتوۆ پەن دياس نۇرجىگىتوۆ تەگەۋرىندى قارسىلىق كورسەتتى.
دەسە دە, باپكەرلەر قۇرامى سوڭعى سپاررينگ-جاتتىعۋدا ۇزدىك شىققان 13 بوكسشىنى تاڭداپ الدى. اتاپ ايتقاندا, اممانداعى ازيا بىرىنشىلىگىندە 48 كيلو سالماقتا حالىقارالىق دəرەجەدەگى سپورت شەبەرى, جاستار اراسىنداعى الەم جəنە ازيا چەمپيونى, بىلتىرعى ەل بىرىنشىلىگىنىڭ جەڭىمپازى سانجار تاشكەنباي ونەر كورسەتەتىن بولدى. 51 كيلودا توكيو وليمپياداسىنىڭ قولا جۇلدەگەرى, الەم چەمپيونى سəكەن بيبوسىنوۆقا سەنىم ارتىلدى. 54 كيلودا الەم چەمپيوناتىنىڭ كۇمىس جۇلدەگەرى, جاستار اراسىنداعى ازيا چەمپيوناتىنىڭ بىرنەشە مارتە جۇلدەگەرى سابىرحان ماحمۇد جۇدىرىقتاسسا, 57 كيلودا الەم چەمپيوناتىنىڭ كۇمىس جۇلدەگەرى, جاستار اراسىنداعى ازيا چەمپيونى پاۆلودارلىق سەرىك تەمىرجانوۆ التىن جۇلدە ءۇشىن ايقاسادى.
60 كيلودا باپكەرلەردىڭ تاڭداۋى جاستار اراسىنداعى ازيا چەمپيونى, قازاقستان سپارتاكياداسىنىڭ جەڭىمپازى ءساماتəلى تولتاەۆكە تۇسسە, 63,5 كيلو سالماق دارەجەسىندە ءساماتəلىنىڭ سىڭارى, جاستار اراسىنداعى ازيا چەمپيونى, ەرەسەكتەر دوداسىنىڭ قولا جۇلدەگەرى ءساناتالى تولتاەۆ ونەر كورسەتەدى. 67 كيلودا 2021 جىلعى قازاقستان چەمپيونى دۋلات بەكباۋوۆ شارشى الاڭعا شىقسا, 71 كيلودا جامبىل وبلىسىنىڭ تاعى ءبىر وكىلى, حالىقارالىق دəرەجەدەگى سپورت شەبەرى, ازيا چەمپيونى, ازيا ويىندارىنىڭ كۇمىس جۇلدەگەرى, دۇنيەجۇزىلىك əسكەري ويىنداردىڭ جەڭىمپازى اسلانبەك شىمبەرگەنوۆ اممانعا بارادى.
بىلتىر ەل چەمپيونى اتانعان نۇرقانات رايىس (75 كگ) بيىل العاش رەت ەرەسەكتەر اراسىنداعى ازيا چەمپيوناتىنا قاتىسپاق. سونداي-اق ول 2021 جىلى سەربيادا وتكەن الەم چەمپيوناتىندا ونەر كورسەتىپ, جۇلدەلى ورىندارعا جەتە الماي قالعان بولاتىن. 80 كيلودا ەل نامىسىن جاستار اراسىنداعى الەم جəنە قازاقستان چەمپيونى نۇربەك ورالباي, 86 كيلودا جاستار اراسىندا بىرنەشە دۇركىن ازيا چەمپيونى, جاستار اراسىندا الەم چەمپيوناتىنىڭ كۇمىس جۇلدەگەرى ساعىندىق توعانباي قورعايدى.
اۋىر سالماقتا (92 كگ) جاستار اراسىنداعى وليمپيادا جەڭىمپازى, قازاقستان چەمپيونى ايبەك ورالباي ايقاسسا, اسا اۋىر سالماقتا (+92 كگ) توكيو وليمپياداسىنىڭ قولا جۇلدەگەرى, əلەم بىرىنشىلىگىنىڭ ءفيناليسى قامشىبەك قوڭقاباەۆ جۇدىرىقتاسادى.
«دايىندىق وتە جوعارى دەڭگەيدە ءوتتى. سپورت جانە دەنە شىنىقتىرۋ ىستەرى كوميتەتى, سپورتتى دامىتۋ ديرەكتسياسى مەن قازاقستان بوكس فەدەراتسياسىنىڭ قولداۋىمەن اممانداعى الامانعا الاڭسىز دايىندالدىق. بوكس ەلىمىزدە كەڭ تاراعان, ۇنەمى جانكۇيەرلەردىڭ نازارىندا بولاتىن سپورت ءتۇرى. الدىڭعى قۇرلىق دوداسىنىڭ ناتيجەسىن قوعامنىڭ قالاي تالقىلعانى, سىننىڭ استىنا قالعانى ءəلى ەسىمىزدە. دۋبايدا ەرلەر قۇراماسى التىنسىز قالعانىن بىلەسىزدەر. بيىل ەسە قايتارعىمىز كەلەدى. ماقسات – جالپى ەسەپتە كوش باستاۋ», دەدى سپورتتى دامىتۋ ديرەكتسياسىنا بەرگەن سۇحباتىندا باس باپكەر قايرات سəتجانوۆ.
بوكس جانكۇيەرلەرىنىڭ ەسىندە بولسا, 2013 جىلى ءدال وسى يوردانيانىڭ استاناسى – امماندا وتكەن ەرلەر اراسىنداعى ازيا بىرىنشىلىگىندە قازاقستان قۇراماسى 7 التىن (تەمىرتاس ءجۇسىپوۆ (49 كگ), بەرىك ءابدىراحمانوۆ (60 كگ), مەرەي اقشالوۆ (64 كگ), دانيار ەلەۋسىنوۆ (69 كگ), جانىبەك ءالىمحان ۇلى (75 كگ), انتون پينچۋك (91 كگ) جانە يۆان دىچكو (+91 كگ)), 1 كۇمىس (ادىلبەك نيازىمبەتوۆ (81 كگ)) مەدال ولجالاپ, جالپىكوماندالىق ەسەپتە كوش باستاعان ەدى. وسىدان توعىز جىل بۇرىنعى اممانداعى ساتتىلىك بيىل دا جىگىتتەرىمىزگە سەرىك بولعاي.
بيىلعى سارى قۇرلىق بىرىنشىلىگى 30 قازاندا باستالىپ, 13 قاراشادا مارەسىنە جەتەدى. ازيا چەمپيوناتى ادەتتەگىدەي ازيا بوكس كونفەدەراتسياسى (ASBC) مەن حالىقارالىق بوكس قاۋىمداستىعىنىڭ (IBA) ەرەجەلەرىن نەگىزگە الا وتىرىپ ۇيىمداستىرىلادى.
