باسقوسۋعا ورتالىق اتقارۋشى ورگان وكىلدەرى, «Qazaq Gaz» اق, «KazTransOil» اق جانە «KEGOC» اق وكىلدەرى قاتىستى. قر يدم قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى تيمۋر قاراعويشيننىڭ ايتۋىنشا, بۇگىندە مينيسترلىك ەلىمىزدىڭ سۋمەن جابدىقتاۋ, سۋ بۇرۋ جانە جىلۋمەن جابدىقتاۋ جۇيەلەرىن دامىتۋدىڭ ءۇش نەگىزگى باعىتى بويىنشا جۇمىس جۇرگىزىپ جاتىر. بۇل جۇمىستار مەملەكەت باسشىسىنىڭ جەلىلەر مەن قۋاتتاردىڭ توزۋىن قىسقارتۋ, سونداي-اق يننوۆاتسيالاردى ەنگىزۋ ءۇشىن پارمەندى ىنتالاندىرۋدى ازىرلەۋ تۋرالى تاپسىرماسى شەڭبەرىندە جۇزەگە اسىرىلىپ كەلەدى.
سونىمەن قاتار سپيكەر ۇلتتىق ەكونوميكا مينيسترلىگىمەن بىرلەسىپ جاڭا تاريفتىك ساياسات شەڭبەرىندە جەلىلەردىڭ توزۋ كورسەتكىشىن 15 پايىزعا دەيىن تومەندەتۋ بويىنشا جۇمىس جۇرگىزىلىپ جاتقانىن حابارلادى.
جەرگىلىكتى اتقارۋشى ورگانداردىڭ دەرەكتەرىنە سۇيەنسەك, سۋمەن جابدىقتاۋ جانە سۋ بۇرۋ جەلىلەرىنىڭ جالپى ۇزىندىعى شامامەن 118,6 مىڭ شاقىرىمدى قۇرايدى. تۇرعىن ءۇي-كوممۋنالدىق ينفراقۇرىلىمدى دامىتۋ تۇجىرىمداماسى شەڭبەرىندە 2026 جىلعا قاراي جەلىلەردىڭ توزۋىن 45 پايىزعا دەيىن تومەندەتۋ جوسپارلانۋدا. بۇل مەجەگە قول جەتكىزۋ ءۇشىن مينيسترلىك رەسپۋبليكالىق بيۋدجەتتەن قاراجات ءبولۋدىڭ ەكى تەتىگىن ىسكە اسىرۋدا.
ء«بىرىنشى تەتىك نەسيە الۋشى ءۇشىن قولايلى شارتتارمەن بيۋدجەتتىك كرەديتتەۋدى قاراستىرادى (جىلدىق سىياقى مولشەرلەمەسى – 0,01%; نەسيەلەۋ مەرزىمى – 20 جىلعا دەيىن; نەگىزگى بورىشتى تولەۋ بويىنشا جەڭىلدىكتى كەزەڭ – 6 جىل; بيۋدجەتتىك كرەديتتى يگەرۋ كەزەڭى – 2 جىل).
ەكىنشى تەتىك – جىلۋمەن, سۋمەن جابدىقتاۋ جانە سۋ بۇرۋ جۇيەلەرىن سالۋدى, رەكونسترۋكتسيالاۋدى جانە جاڭعىرتۋدى سۋبسيديالاۋ. سۋبسيديا ينۆەستيتسيالىق جوبالاردى قارجى ينستيتۋتتارىنىڭ (ەۋروپالىق قايتا قۇرۋ جانە دامۋ بانكى, ازيا دامۋ بانكى جانە ت. ب.) قوسا قارجىلاندىرۋ شارتتارىنا سايكەس بەرىلەدى», دەلىنگەن حابارلامادا.
ايتا كەتسەك, اتالعان ەكى مەحانيزم ارقىلى 79 تابيعي مونوپوليا سۋبەكتىسى قارجىلاندىرىلادى.
