قاراعاندى قالاسىنىڭ «شاڭىراق» كوپبالالى وتباسىلاردى قولداۋ ورتالىعىندا ۇيىمداستىرىلعان كەزدەسۋ بارىسىندا ق.ابدەن ءوزىنىڭ سايلاۋالدى باعدارلاماسىنىڭ تانىستىرىلىمىن وتكىزدى. كەزدەسۋگە قاراعاندى وبلىسىنان 100-گە جۋىق كوپبالالى انا جينالعان. تۇرعىندار وتباسى قۇندىلىقتارىنا قاتىستى ماسەلەلەردى كوتەرىپ, رۋحاني, مادەني-الەۋمەتتىك دامۋ توڭىرەگىندە سۇراق قويىپ, ناقتى وتىنىشتەرى مەن ۇسىنىستارىن جەتكىزدى.
«بۇگىنگى كەزدەسۋدە قاراقات ابدەنمەن قوعامداعى وزەكتى ماسەلەلەردى تالقىلادىق. وزىمىزدەي كوپبالالى ءارى ۇلتتىق قۇندىلىقتاردى ناسيحاتتاپ جۇرگەن انانىڭ پرەزيدەنتتىككە ۇمىتكەر بولىپ, ەل بولاشاعى ءۇشىن ەڭبەك ەتىپ جۇرگەنى ءبىز ءۇشىن ۇلكەن قۋانىش», دەپ ءبولىستى كوپبالالى انالاردىڭ ءبىرى ساندۋعاش قۇلماقوۆا.
سايلاۋالدى شتابىنىڭ ءباسپاسوز قىزمەتى مالىمدەگەندەي, بۇدان بۇرىن قاراقات ابدەن استانا ماڭىنداعى قوسشى قالاسى مەن قوياندى اۋىلىنىڭ تۇرعىندارىمەن دە كەزدەسۋ وتكىزگەن.
ەسكە سالساق, قازاقستان پرەزيدەنتىن كەزەكتەن تىس سايلاۋ 20 قاراشا كۇنى وتەدى.
