« ۇلى اباي ايتقانداي, «اقىرىن ءجۇرىپ, انىق باسا» وتىرىپ, ەشقانداي دۇربەلەڭسىز تاۋەلسىزدىككە قول جەتكىزدىك. ەڭ باستىسى – ءبىز بابالار اڭساعان ازات ەلگە اينالدىق. الەم مويىنداعان, قۇرمەت تۇتقان مەملەكەت اتاندىق. مۇنىڭ بارلىعى – بۇكىل حالقىمىزدىڭ ورتاق ەڭبەگىنىڭ جەمىسى. رەسپۋبليكا كۇنىنىڭ باستى قۇندىلىعى – وسىندا», دەدى پرەزيدەنت.
قاسىم-جومارت توقاەۆ ادىلەتتىلىك تۋرالى ايتا وتىرىپ, تۇڭعىش پرەزيدەنت نۇرسۇلتان نازارباەۆتىڭ ەلىمىزدىڭ ەگەمەندىككە جەتۋىنە قوسقان ەلەۋلى ۇلەسى بارىن اتاپ ءوتتى.
«تۇپتەپ كەلگەندە, تاۋەلسىزدىككە قالاي قول جەتكىزىپ, باياندى ەتە العانىمىز ماڭىزدى. وكىنىشكە قاراي, بۇل كۇن ەلىمىزدە ءبىراز جىل ءوز دەڭگەيىندە اتاپ وتىلگەن جوق. بىراق, تاريحي ادىلدىك ورنادى», دەدى ول.
