6 قىركۇيەكتە جىبەك جولى كەنتىنىڭ ماڭىندا 19 جاستاعى ەلوردالىق تۇرعىنىنىڭ Toyota Land Cruiser-200 اۆتوكولىگىنە بەلگىسىز تۇلعالار زاقىم كەلتىرگەن. وقيعا ورنىنا دەرەۋ كەلگەن جەدەل-تەرگەۋ توبى استانا – قاراعاندى تاس جولىندا بەلگىسىز ادامدار اراسىندا جانجال تۋىنداعانىن انىقتاعان.
«كۋاگەرلەردىڭ ايتۋىنشا, قاسكويلەردىڭ ءبىرى مىلتىقتى الىپ, وقيعاعا قاتىسۋشىلارعا بىرنەشە رەت وق اتقان. وقيعا ورنىنان پوليتسيا اتىلعان گيلزالار, گاز باللونىن تاركىلەدى. ساراپتاما تاعايىندالدى», دەپ جازىلعان حابارلامادا.
رolisia.kz تاراتقان اقپاراتقا سەنسەك, جۇرگىزىلگەن تەرگەۋ جانە جەدەل-ىزدەستىرۋ ءىس-شارالارىنىڭ ناتيجەسىندە جوعارىدا اتالعان قىلمىستى جاساعان كۇدىكتى انىقتالىپ, ۇستالعان.
ول بۇعان دەيىن قر قك 293-بابى بويىنشا قىلمىستىق جاۋاپكەرشىلىككە تارتىلعان استانا قالاسىنىڭ 39 جاستاعى تۇرعىنى بولىپ شىقتى.
ءتىنتۋ ءىس-شارالارى بارىسىندا كۇدىكتىدەن زاتتاي دالەلدەر, اتاپ ايتقاندا ناگان تاپانشاسى جانە 57 وق تاركىلەندى.
ارشالى پوليتسيا ءبولىمى وسى فاكتىگە سايكەس قر قك 293-بابىنىڭ 3-بولىگى «بۇزاقىلىق» بويىنشا سوتقا دەيىنگى تەرگەۋدى باستادى. كۇدىكتى ۋاقىتشا ۇستاۋ يزولياتورىنا قامالدى.
