فوتو: اقوردا
«ماسەلەن, تۇركى ءتىلى, يسلامنىڭ كىتابي داستۇرلەرى مەن دالانىڭ سانعاسىرلىق دانالىعى ءدال وسى كەزەڭدە ءبىر-بىرىمەن بىتە قايناسىپ, يدەولوگيالىق تۇرعىدان اۋقىمى كەڭەيدى. بۇل التىن وردا كەزەڭىنىڭ ادەبيەتىندە كورىنىس تاۋىپ, تۇركى حالىقتارىنىڭ ءسوز ونەرى قانات جايعان كەزەڭ رەتىندە باعالاندى. حالقىمىز ءۇشىن التىن وردا داۋىرىنەن بۇگىنگە دەيىن جەتكەن «اقساق قۇلان» كۇيىنىڭ سيمۆولدىق ءمانى زور», دەدى مەملەكەت باسشىسى.
پرەزيدەنت بيىل كۇيدىڭ شىققانىنا 800 جىل تولاتىنىن ايتىپ, بۇل اڭىز دومبىرانىڭ شاناعىنان شىققان ۇلى دالانىڭ ءۇنى, ۇلتىمىزدىڭ رۋحاني بايلىعى ەكەنىن تىلگە تيەك ەتتى.
«كەتبۇعا, اسان قايعى, شالكيىز جانە دوسپامبەت سەكىلدى جىراۋلاردىڭ مۇراسى ءبىزدىڭ ايماققا ءتان ءداستۇرلى ونەر جانرىندا بۇگىنگە دەيىن جەتكەنى كەزدەيسوق ەمەس. سول كەزەڭدەگى جىرلاردا (ەر ەدىگە, الپامىس, قوبىلاندى, ەر تارعىن) باتىرلاردىڭ ەرلىك جولى مەن تاريحي وقيعالار تىزبەگى ءجيى باياندالادى. بۇل – قازاق, تاتار, باشقۇرت, نوعاي, قاراقالپاق جانە باسقا دا حالىقتاردىڭ ورتاق قازىناسى», دەدى قاسىم-جومارت توقاەۆ.
ەسكە سالايىق, استانادا «التىن وردا – دالا وركەنيەتىنىڭ ۇلگىسى: تاريح, ارحەولوگيا, مادەنيەت, بىرەگەيلىك» اتتى حالىقارالىق سيمپوزيۋم ءوتىپ جاتىر.
