قازاقستان فۋتبول فەدەراتسياسىنىڭ حابارلاۋىنشا, سۇلتان ابەنوۆ قىزىلوردا فۋتبول مەكتەبىنىڭ تۇلەگى. العاش رەت 17 جاسىندا «اۆتوموبيليست» كومانداسىنىڭ ساپىندا جاسىل الاڭدا جارقىلداپ, جانكۇيەرلەردىڭ جۇرەگىن جاۋلاعان.
سۇلتان مۇراش ۇلى قىزىلوردالىق كوماندانىڭ قاتارىندا كسرو چەمپيوناتىندا 100-دەن استام ويىن وتكىزىپ, 33 گول سوقتى. سونىمەن قاتار الماتىلىق «قايراتتىڭ» ساپىندا وينادى.
ويىن مانسابىن اياقتاعان سوڭ «قايرات» كومانداسىن باسقاردى. ءارى قاراي پارتيا مەن ديپلوماتيا قىزمەتىنە اۋىسىپ, ءار جىلدارى قر پرەمەر-ءمينيسترىنىڭ كەڭەسشىسى, قر پارلامەنت ءماجىلىس اپپاراتى جەتەكشىسىنىڭ ورىنباسارى, قر پرەزيدەنت اكىمشىلىگىندە قىزمەت اتقارعان.
