رەسپۋبليكا كۇنىن مەرەكەلەۋ اياسىندا ۇيىمداستىرىلعان ءىس-شارا بارىسىندا مەملەكەت باسشىسى قاسىم-جومارت توقاەۆتىڭ جولداۋىندا كورسەتىلگەن ماسەلەلەر تالقىلاندى. باعدارلامالىق قۇجات ەلدى ودان ءارى دامىتۋعا, ونىڭ ىشىندە الەۋمەتتىك-ەكونوميكالىق سالالاردى نىعايتۋعا, حالىقتىڭ ءال-اۋقاتىن ارتتىرۋعا جانە ساياسي ترانسفورماتسيانى ىسكە اسىرۋعا باعىتتالعان.
ءىس-شاراعا ەلوردا اكىمىنىڭ ورىنباسارى ەسەت بايكەن, بايقوڭىر اۋدانىنىڭ اكىمى ەرلان جاۋىلىباەۆ, ەلىمىزدىڭ ەڭبەك سىڭىرگەن قايراتكەرلەرى, الەۋمەتتىك سالا قىزمەتكەرلەرى, ەلوردالىق ءماسليحات دەپۋتاتتارى, سونداي-اق ءبىلىم بەرۋ سالاسىنىڭ قۇرمەتتى قىزمەتكەرلەرى, جاستار قاتىستى.
«مەملەكەت باسشىسى ءوز جولداۋىندا حالىقتى تولعاندىراتىن وزەكتى ماسەلەلەردى تولىقتاي قامتىدى. مىقتى ەكونوميكا, ناقتى سەكتوردى دامىتۋ, ستراتەگيالىق ينۆەستيتسيالار, مەملەكەتتىك باسقارۋدى قايتا جاڭعىرتۋ, زاڭ مەن ءتارتىپ قازىرگى كەزەڭدە قازاقستاندىق قوعامنىڭ ءومىرىن رەفورمالاۋدىڭ ماڭىزدى باعىتتارى. ءتۇرلى سالالاردا قوردالانعان پروبلەمالاردى شەشۋ ءتاسىلىن وزگەرتۋ ارقىلى قازاقستاننىڭ بولاشاعى ايقىندالادى», دەپ اتاپ ءوتتى بايقوڭىر اۋدانىنىڭ اكىمى ەرلان جاۋىلىباەۆ.
جولداۋدا كورسەتىلگەن ماسەلەلەردىڭ ماڭىزدىلىعى تۋرالى زيالى قاۋىم وكىلدەرى, ەلوردانىڭ بەلسەندى قايراتكەرلەرى ءسوز سويلەدى.
«ەلىمىز تاۋەلسىزدىكتىڭ 30 جىلدىعىن ءساتتى اتاپ ءوتتى. ەلۋ جىلدا ەل جاڭا. جولداۋدا مەملەكەت باسشىسى قازاقستاننىڭ دامۋ جانە وركەندەۋ باعىتتارى تۋرالى ايتىپ بەردى. بۇل قوعامدا قىزۋ پىكىرتالاس تۋدىردى», دەدى اقىن, جازۋشىلار وداعىنىڭ حاتشىسى داۋلەتكەرەي كاپ ۇلى.
«پرەزيدەنتتىڭ الەۋمەتتىك جانە قوعامدىق ءال-اۋقاتقا قاتىستى اسپەكتىلەرگە باعىت العانى تاڭقالدىرادى. ءبىزدىڭ قوعامعا ءبىلىم بەرۋدەن باستاپ, ءتىپتى ينكليۋزياعا دەيىنگى كوپتەگەن پروبلەمالار بار. سوندىقتان الەۋمەتتىك كاسىپكەرلىكتىڭ وكىلى رەتىندە, جالپى مەملەكەت باسشىسى ايتقان بارلىق اسپەكتىلەردى قولدايمىن», دەپ اتاپ ءوتتى الەۋمەتتىك يننوۆاتورلار قاۋىمداستىعىنىڭ توراعاسى ەمين اسكەروۆ.
كەزدەسۋگە قاتىسۋشىلار سپيكەرلەردىڭ باياندامالارىن تالقىلاپ, جولداۋدا بەلگىلەنگەن مىندەتتەردى ورىنداۋ ءۇشىن جۇمىستىڭ نەگىزگى باعىتتارىن ءسوز ەتتى.
