قالادا نەگىزگى ازىق-ت ۇلىك باعالارى ءوسىپ كەلەدى. ماسەلەن, جىل باسىندا كۇرىشتىڭ ءبىر كەلىسى 230 تەڭگەدەن ساتىلسا, قازىر - 470 تەڭگە. قاراقۇمىقتىڭ قۇنى 540 بولسا, قازىر 100-150 تەڭگەگە قىمباتتاعان.
بۇل رەتتە ەربولات دوساەۆ قالاداعى باعانىڭ ءوسۋىن تەجەۋ ءۇشىن اكىمدىك قانداي شارالار قابىلداپ جاتقانىن ايتتى.
اكىمنىڭ ايتۋىنشا, ازىق-ت ۇلىك قىمباتتاۋىنا سوڭعى گەوساياسي وقيعالار مەن جانار-جاعارمايدىڭ قىمباتتاۋى تۇرىندەگى وبەكتيۆتى سەبەپتەر اسەر ەتكەن.
«قالا تاراپىنان جىل سوڭىنا دەيىن ءبىز 85 مىڭ توننا كولەمىندە الەۋمەتتىك ماڭىزى بار ازىق-ت ۇلىك ونىمدەرىن بەلگىلەنگەن باعامەن ساتۋ تۋرالى ۋاعدالاستىق. استىق پەن كۇنباعىس مايى بويىنشا كەلىسىمگە قول جەتكىزىلدى. قانت, قاراقۇمىق جانە كۇرىشپەن قامتاماسىز ەتۋ ماسەلەسى بويىنشا اكىمدىك 6,4 ملرد تەڭگە قاراستىردى», دەدى اكىم.
دوساەۆتىڭ ايتۋىنشا, ساۋدا مينيسترلىگى بىرىڭعاي باعالار تۋرالى ۋاعدالاسقاننان كەيىن الماتى ءتيىستى كۆوتا الادى.
اكىم اتاپ وتكەندەي, ادىلەتسىز باعا بەلگىلەۋدىڭ باستى پروبلەماسى - زاڭسىز دەلدالدىق سحەمالار. زاڭسىز دەلدالدىقپەن كۇرەسى ماقساتىندا بىرقاتار شارالار كەشەنى دايىندالدى. ولار 2023 جىلدىڭ قاڭتارىنان باستاپ ىسكە اسىرىلا باستايدى.
ايتا كەتسەك, 19 قازاندا مەملەكەت باسشىسى الماتى وبلىسىنا جۇمىس ساپارى بارىسىندا قازاقستانداعى ازىق-ت ۇلىك ينفلياتسياسى 20%-عا دەيىن جەتكەنىن ايتقان ەدى.
