ساياسات • 20 قازان, 2022

دەموكراتيالىق ۇدەرىستىڭ باستاماسى

144 رەت كورسەتىلدى

كەزەكتەن تىس پرەزيدەنت سايلاۋى – جاڭا ءارى ءادىل قازاقستاندى قۇرۋ جولىنداعى دەموكراتيالىق ۇدەرىستىڭ باستاماسى. سوندىقتان ساياسي ناۋقاندى بارىنشا اشىق جانە بەلگىلەنگەن تالاپتارعا سايكەس ءوتۋىن قاداعالاۋ اسا ماڭىزدى. بۇل تۋرالى ء«ادىل سايلاۋ ءۇشىن» قوعامدىق شتابىنىڭ وكىلدەرى باياندادى.

دەموكراتيالىق ۇدەرىستىڭ باستاماسى

اتالعان شتابتىڭ وكىلى, زاڭ عى­لىمدارىنىڭ دوكتورى ماي­گۇل ماتاەۆانىڭ ايتۋىنشا, قوعام­دىق ۇيىمنىڭ باستى ميسسياسى – الداعى ساياسي ناۋقاننىڭ كونستي­تۋ­تسيال­ىق نورمالارعا ساي ءوتۋىن قادا­عالاپ, ەلەكتوراتتىڭ ءوز تاڭداۋ قۇقى­عىنىڭ بۇزىلۋىنا جول بەرمەۋ.

«جاستار مەن قوعامعا ءتۇسىن­دىرۋ جۇمىستارىنان بولەك, وسى شتاب سايلاۋ تۋرالى زاڭنا­ماداعى وزگە­­رىس­تەر جونىندە, سونداي-اق بيىلعى كونس­­تيتۋ­تسيا­لىق رەفورما جو­نىندە اقپاراتتارمەن ءبولىسۋدى كوزدەيدى.

بايقاۋشىلاردىڭ قىزمەتى تۋرالى كوپشىلىك بىلە بەرمەيدى. الداعى ساياسي ناۋقاندا شتاب تاراپىنان بايقاۋشىلار بولادى. ولاردىڭ باسىم بولىگى – زاڭگەرلەر مەن عالىمدار. باقىلاۋ بارىسى ءادىل تۇردە وتەدى دەگەن سەنىمدەمىز. بەلگىلەنگەن تالاپقا سايكەس ءار ۋچاسكەدە قانداي دا ۇيىم­نىڭ اتىنان ءبىر-ءبىر بايقاۋ­شىدان بولۋعا ءتيىس», دەدى م.ماتاەۆا.

قازاقستان زاڭگەرلەر وداعى­نىڭ وكىلى ەرمەك ءابدىراسۇلوۆ ايتقان­داي, ء«ادىل سايلاۋ ءۇشىن» شتابى قانداي دا ءبىر مەملەكەتتىك ۇيىمنىڭ مۇددەسىن قورعامايدى. قوعامدىق ۇيىم ساياسي اعارتۋ­شى­لىققا باسىمدىق بەرىپ, بەلسەندى ازاماتتىق قوعام قۇرۋعا ىنتالى.

«ازاماتتىق قوعامداستىقتىڭ وكىلدەرى رەتىندە ءبىزدى سايلاۋ تۋرالى زاڭنامانى كەڭىنەن ناسيحاتتاۋ قىزىقتىرادى. نەگە دەسەڭىز, بۇقارالىق اقپارات قۇرالدارى مەن قوعام تاراپىنان بۇل باعىتتا سۇراق كوپ قويىلادى. وسى ۋاقىتقا دەيىن بىرنەشە رەسپۋبليكالىق تەلەار­نانىڭ باعدارلامالارىنا قاتى­سىپ, مەرزىمدى باسىلىمدارعا سۇحبات بەردىك. وندا ءادىل سايلاۋدى وتكىزۋ­دىڭ قانشالىقتى ماڭىزدى ەكەندىگى جايلى ۇستانىمىمىزدى بىلدىردىك.

ءبىز ءۇشىن ەڭ ماڭىزدىسى, ساي­لاۋ­­دىڭ زاڭعا ساي اشىق ءارى ءادىل ءوتۋى. البەتتە, ەلىمىز ءۇشىن ماڭىزدى ساياسي وقيعا تۋرالى حالىقتىڭ تاراپىنان قويىلىپ جاتقان سۇراق وتە كوپ. ونىڭ ىشىندە پرەزيدەنتىككە تۇسەتىن ۇمىت­­كەرلەرگە قويىلاتىن تالاپ­تار جونىندە, سول سەكىلدى جاڭا­دان بەلگى­لەنگەن 7 جىلدىق مەرزىم­گە بايلا­نىستى ماسەلە از ەمەس. جاس ەرەكشەلىگى مەن بارلى­عى­­نا قارسى داۋىس بەرۋ تۋرالى سۇ­راپ جاتقاندار جەتەرلىك. سون­داي-اق ەلىمىزدەگى سايلاۋ پروتسە­سى­نىڭ حالىقارالىق تالاپ­تارعا قان­­شالىقتى ساي ەكەن­دىگى جونىن­دە بىل­گىسى كەلەتىن­دەر بار. اك­كرە­ديت­­تەۋدەن وتكەن حالىق­ارالىق جانە جەرگىلىك­تى بايقاۋشىلاردىڭ ايىر­­ماشىلى­عىن ءالى دە كەڭىرەك دۇ­­رىس جەتكىزۋ قاجەت. بۇدان بولەك, ساي­­لاۋدا زاڭ بۇزۋشىلىقتار ورىن السا, كىم جانە قالاي جاۋاپ بەرە­تىنى تۋ­رالى سۇراقتار كوپ», دەدى ە.ءابدىراسۇلوۆ.

زاڭ عىلىمدارىنىڭ دوكتورى, پروفەسسور ينديرا اۋباكىروۆانىڭ پىكىرىنە سۇيەنسەك, قازىر قازاقستان زاماناۋي جىلناماسىندا جاۋاپتى ساتتە تۇر. وسى سايلاۋدىڭ ناتي­جەسىن­دە كوپشىلىك كۇتىپ وتىرعان جاڭا ءارى ءادىل مەملەكەت قۇرۋ تۇجى­رىم­داماسى قانشالىقتى ءارى قالاي جۇزەگە اساتىنى بەلگىلى بولادى.

«قاسيەتتى اباي وڭىرىنەن ەلىمىز­­دىڭ قانشاما رۋحاني تۇلعا­لارى شىققانى بارلىعىنا ءمالىم. وسى رەتتە ۇلى ابايدىڭ ءوزى بولىس­تىققا سايلاۋ ارقىلى كەل­گەنىن ايتا كەتكەن ورىندى. ال ۇلت كوسەمى ءاليحان بوكەيحان حالىق­تىڭ تاڭداۋى ارقاسىندا مەملە­كەتتىك دۋماعا دەپۋتات بولىپ تۇسكەنىن ۇمىتپاۋىمىز قاجەت.

قازىر ەلىمىز جاڭا كەزەڭنىڭ الدىندا تۇر. ءدال وسى ساتتەن باستاپ قازاق­ستاننىڭ دامۋدىڭ داڭعىل جولى­نا ءتۇسۋىنىڭ ەسەبى باستالماق. اري­نە بۇل جولدا ادىلدىك سالتانات قۇ­رىپ, دەموكراتيالىق پروتسەستەر قار­قىن السا ەكەن دەگەن تىلەگىمىز بار. بۇل سايلاۋ باسقا سايلاۋلاردان وزگەشە بولاتىنىنا سەنىمىمىز جوعارى.

تاياۋدا مەملەكەت باسشىسى قازاقستان دەموكراتيالىق ەل ەكەنىن ايتا كەلە مەملەكەتتى باسقاراتىن پرەزيدەنت تە حالىق­تىڭ تاڭداۋىنا سايكەس سايلاناتىنىن جەتكىزگەن بولاتىن. پرەزيدەنت الداعى سايلاۋدىڭ اشىق ءارى ءادىل وتەتىنىنە ۋادە ەتتى. بۇل – مەملەكەت باسشىسىنىڭ بەرىك ۇستانىمى», دەدى ي.اۋباكىروۆا.

شتاب وكىلدەرى بيىلعى ساياسي دودا ەلىمىزدەگى سايلاۋ تسيكلىنە وڭ اسەر ەتەتىنىنە سەنىمدى. دەمەك بۇل ساياسي جاڭعىرۋدىڭ تەك باستاماسى عانا دەيدى ۇيىم مۇشەلەرى.   

 

اباي وبلىسى