تومەندە مينيسترلىكتىڭ قولداۋىمەن وتەتىن ەڭ ءىرى جانە ماڭىزدى وقيعالار كورسەتىلگەن.
17-21 قازان ارالىعىندا قازاق ۇلتتىق ونەر ۋنيۆەرسيتەتىندە XXV حالىقارالىق «شابىت» شىعارماشىلىق جاستار بايقاۋى وتەدى.
18-23 قازان ارالىعىندا قاليبەك قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ قابىرعاسىندا قازاقستان دراما تەاترلارىنىڭ رەسپۋبليكالىق فەستيۆالى جوسپارلانعان.
21 قازاندا «بوزوق» ۇلتتىق ساياباعىنىڭ اۋماعىندا ەجەلگى بوزوق قالاشىعىن قايتا قۇرۋدىڭ باستالعانى تۋرالى تاريحي ەسكە الۋ كاپسۋلاسىن سالۋ ءراسىمى وتەدى.
21 قازاندا كۇلاش بايسەيىتوۆا اتىنداعى دارىندى بالالارعا ارنالعان رەسپۋبليكالىق ورتا مامانداندىرىلعان مۋزىكا مەكتەپ-ينتەرناتىنىڭ ۇيىمداستىرۋىمەن «رەسپۋبليكا كۇنىنە ارناۋ» كونتسەرتى وتەدى.
21 قازاندا ءابىلحان قاستەەۆ اتىنداعى قازاقستان رەسپۋبليكاسىنىڭ مەملەكەتتىك ونەر مۋزەيى «قازاقستان – بالالار كوزىمەن» بالالار شىعارماشىلىعىنا ارنالعان كورمەنى وتكىزەدى.
الماتىداعى ورتالىق مەملەكەتتىك مۋزەيدە 22 قازاندا «تاۋەلسىز قازاقستان» زالى رەەكسپوزيتسياسىنىڭ تۇساۋكەسەرى وتەدى.
24 قازاندا ۇلتتىق اكادەميالىق كىتاپحانادا «مەنىڭ رەسپۋبليكام» اقىندار سايىسى وتەدى.
سونداي-اق 24 قازاندا اباي وبلىسىندا ورنالاسقان «جيدەباي-ءبورىلى» ابايدىڭ مەملەكەتتىك تاريحي-مادەني جانە ادەبي-مەموريالدىق قورىق – مۇراجايى «رەسپۋبليكا كۇنى - ۇلتتىق مەرەكە» اتتى كىتاپ كورمەسىن ۇيىمداستىرادى.
25 قازاندا «قازاقستان كامەراتاسى» كلاسسيكالىق مۋزىكا ءانسامبلى ۇيىمداستىرعان «استانا وپەرا» مەملەكەتتىك وپەرا جانە بالەت تەاترىنىڭ كامەرالىق زالىندا «مەرەكەلىك شاشۋ» كونتسەرتى وتەدى.
25 قازاندا استانالىقتار جامبىل اتىنداعى قازاق مەملەكەتتىك فيلارمونياسىنىڭ قولداۋىمەن «ونەرىمىز ساعان - قازاقستان!» كونتسەرتىن تاماشالايدى.
سونداي-اق 25 قازاندا ۇلتتىق مۋزەيدە «ۇلتتىڭ ۇلى ۇستىندارى» رەسپۋبليكالىق شىعارماشىلىق بايقاۋى وتەدى.
سونىمەن قاتار 25 قازاندا بەيبىتشىلىك جانە كەلىسىم سارايىندا 2rar, Yenlik جانە قايرات نۇرتاس كونتسەرتى بولماق.
سول سياقتى 25 قازاندا قاليبەك قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا «بايان سۇلۋ - قوزى كورپەش» سپەكتاكلى كورسەتىلەدى, ال «قازاقستان» ورتالىق كونتسەرت زالىندا قازاقستاندىق تانىمال ءانشى روزا رىمباەۆانىڭ كونتسەرتى وتەدى.
26-28 قازان ارالىعىندا « ۇلىتاۋ» تاريحي-مادەني جانە تابيعي مۋزەي-قورىعىندا «التىن وردانىڭ تاريحي-مادەني مۇراسى» اتتى حالىقارالىق عىلىمي-پراكتيكالىق كونفەرەنتسيا جوسپارلانعان.
