كەڭەس مۇشەلەرىنەن باسقا وتىرىسقا وبلىستىق ءماسليحاتتاردىڭ حاتشىلارى دا قاتىسىپ, قر پرەزيدەنتى قاسىم-جومارت توقاەۆتىڭ قازاقستان حالقىنا جولداۋىن ىسكە اسىرۋ اياسىندا جەرگىلىكتى ءوزىن-ءوزى باسقارۋدى دامىتۋ ماسەلەلەرى تالقىلاندى.
شاراعا قاتىسۋشىلار مەملەكەتتىڭ قوعامدىق-ساياسي جاڭا جۇيەسىندەگى جەرگىلىكتى وكىلدى ورگانداردىڭ ءرولى, حالىقتىڭ ءال-اۋقاتىن ارتتىرۋ, سايلاۋشىلارمەن ءوزارا ءىس-قيمىلدى نىعايتۋ جۇمىستارىن جەتىلدىرۋ تۋرالى پىكىر الماستى.
ءماسليحات وكىلدەرى مەملەكەت باسشىسىنىڭ تاپسىرماسى بويىنشا جۇزەگە اسىپ جاتقان جاڭا قازاقستاندى قالىپتاستىرۋ جانە ساياسي جاڭعىرتۋ باعىتىنا ءبىراۋىزدان قولداۋ ءبىلدىردى.
جەرگىلىكتى وكىلدى ورگانداردىڭ اعىمداعى قىزمەتىنە باعا بەرىلدى, سونداي-اق ولاردىڭ حالىقپەن بايلانىسىن ودان ءارى نىعايتۋ, ەلىمىزدە جۇرگىزىلىپ جاتقان وزگەرىستەردىڭ ءمانى مەن ماقساتىن ءاربىر قازاقستاندىققا جەتكىزۋ جونىندە سىندارلى ۇسىنىستار ەنگىزىلدى.
«قازاقستان ءماسليحاتتارى دەپۋتاتتارىنىڭ بىرلەستىگى» رقب توراعاسى تولەۋبەك مۇقاشەۆ جەرگىلىكتى وكىلدى ورگاندار الداعى پرەزيدەنت سايلاۋىندا مەملەكەت باسشىسىن ۇسىنۋ جونىندەگى حالىقتىق كواليتسيانىڭ ماڭىزدى ءارى بەلسەندى بولىگى بولا وتىرىپ, ەلدەگى رەفورمالاردى ىلگەرىلەتۋگە ەلەۋلى ۇلەس قوسۋى ءتيىس ەكەنىن اتاپ ءوتتى.
