«الماتى وبلىسىنداعى بولاشاعى زور سالانىڭ ءبىرى – بالىق شارۋاشىلىعى. قازىردىڭ وزىندە وڭىردەن مال ەتىنەن گورى بالىق ونىمدەرى كوبىرەك ەكسپورتتالادى. بۇل سالانىڭ قۋاتىن ارتتىرۋ ءۇشىن بالىق شارۋاشىلىعىنىڭ كولەمىن ۇلعايتۋ كەرەك. سونداي-اق وندىرىستىك ماقساتتا شاباق ءوسىرۋدى قولعا الۋ قاجەت», دەدى پرەزيدەنت ءوڭىر جۇرتشىلىعىمەن كەزدەسۋىندە.
سونداي-اق بالىق ينسپەكتسياسىنىڭ قىزمەتىن دە جانداندىرۋ كەرەگىن ايتتى.
«بىزدە 2030 جىلعا دەيىن بالىق شارۋاشىلىعىن دامىتۋ باعدارلاماسى بار. وندا الماتى وبلىسىنان شىعاتىن بالىق ءونىمىن 25 مىڭ تونناعا جەتكىزۋ كوزدەلگەن. وسى مىندەتتى ورىنداۋ ءۇشىن بالىق شارۋاشىلىعىنا بەرىلەتىن مەملەكەتتىك قولداۋدىڭ كولەمىن ارتتىرۋ كەرەك», دەدى قاسىم-جومارت توقاەۆ.
