ساباقتاردى اسكەري ءبىلىم وردالارىنىڭ وقىتۋشىلارى مەن تاجىريبەلى نۇسقاۋشىلارى وتكىزدى. ءبىر ايلىق دايىندىق بارىسىندا زاپاستاعى وفيتسەرلەر زاماناۋي بايلانىس قۇرالدارىمەن جۇمىس ىستەپ, بولىمشەلەردى باسقارۋ نەگىزدەرىنەن ءبىلىمىن جانە قارۋدى مەڭگەرۋدىڭ پراكتيكالىق داعدىسىن جەتىلدىردى.
– جيىنعا شاقىرىلعاندار وزدەرىن وڭ قىرىنان كورسەتتى. سونداي-اق ولاردىڭ وقۋ-جاۋىنگەرلىك مىندەتتەردى ورىنداۋعا دايىن ەكەنىن اتاپ وتكىم كەلەدى, – دەدى راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ وكىلى پولكوۆنيك ايدىن چۋنەتوۆ.
جيىنعا قاتىسۋشى الماتى وبلىسىنان شاقىرىلعان زاپاستاعى لەيتەنانت نۇرسۇلتان بەكبوسىن ۇلى كاسىپكەرلىكپەن اينالىسادى. شاقىرتۋ قاعازىن العان سوڭ ول بەلگىلەنگەن مەرزىمدە جيناۋ پۋنكتىنە كەلىپ, وقۋدان ءوتتى.
– ساباق جوعارى كاسىبي دەڭگەيدە ءوتتى. وزىمە قاجەتتى تەوريالىق جانە پراكتيكالىق پايدالى تاجىريبە الدىم, – دەپ اتاپ ءوتتى نۇرسۇلتان بەكبوسىن ۇلى.
اسكەري مىندەتتىلەر وقۋ باعدارلاماسىن مەڭگەرگەنىن ەمتيحاندار مەن سىناقتار تاپسىرىپ راستادى. ودان وزگە زاپاستاعى وفيتسەرلەرگە كەزەكتى اسكەري اتاقتار دا بەرىلدى.
