پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى سەرىك جۇمانعاريننىڭ ايتۋىنشا, قابىلدانعان قۇجات ەاەو اكتىلەرىن پىسىقتاۋدى كوزدەيدى. بۇل ءبىر دەكلاراتسياعا, پارتياعا بەرىلەتىن ءبىر سىناق حاتتاماسىنا جۇزدەگەن مىڭ تاۋار اكەلىنەتىن جاعدايلاردى بولدىرماۋعا مۇمكىندىك بەرەدى. سونداي-اق شارالار تىزبەسى ەاەو-عا مۇشە ەلدەردىڭ زەرتتەۋ حاتتامالارىمەن جەدەل الماسۋى ءۇشىن ءىس-شارالار جوسپارىن ىسكە اسىرۋدى جانە حاتتامالاردىڭ بىرىڭعاي ءتىزىلىمىن قۇرۋدى قامتيدى.
«قازىرگى ۋاقىتتا ەۋرازيالىق ەكونوميكالىق وداقتىڭ باسقا ەلىندە بەرىلگەن سىناق حاتتامالارىن تەكسەرۋ ءۇشىن وسى مەملەكەتكە سۇراۋ سالىپ, ونىڭ جاۋابىن ەكى ايعا دەيىن كۇتۋ قاجەت. ءبىز كۇتكەن ۋاقىتتا تاۋار نارىقتا ساتىلىپ بىتەدى. جەدەل اقپارات الماسۋ كورشىلەرىمىزدەن حاتتامانى 1-2 كۇن بۇرىن راستاۋعا مۇمكىندىك بەرەدى. سوندا ءبىز «سۇر» سەرتيفيكاتتاردى جىلدام انىقتاپ, ەل نارىعىنا ىقتيمال قاۋىپتى تاۋارلاردىڭ ەنۋىنە جول بەرمەيمىز», دەپ اتاپ ءوتتى س.جۇمانعارين.
ەاەو-نىڭ ونىمگە قويىلاتىن مىندەتتى تالاپتارىن, ونىڭ بەلگىلەنگەن تالاپتارعا سايكەستىگىن وڭتايلاندىرۋ ماسەلەسىن قازاقستان بيىل ەۋرازيالىق ەكونوميكالىق كوميسسيا كەڭەسىنىڭ ناۋرىز ايىنداعى وتىرىسىندا كوتەرگەن بولاتىن. ساۋدا جانە ينتەگراتسيا مينيسترلىگىنىڭ مالىمەتىنشە, 2021 جىلى قازاقستاندىق ءوتىنىش بەرۋشىلەر ەاەو ەلدەرىنىڭ بىرىندە 25 مىڭعا جۋىق سەرتيفيكات الدى. قازاقستاندا ۇقساس ونىمدەرگە سايكەستىكتى باعالاۋ ءۇشىن بارلىق جاعداي جاسالعان. وسى ماسەلەگە باستاماشىلىق جاساعاننان كەيىن بىرنەشە اي ىشىندە ەەك الاڭىندا قازاقستاندىق كاسىپكەرلەردىڭ باسقا ەلدەردە «سۇر» سەرتيفيكاتتار الۋ مۇمكىندىگىن شەكتەيتىن شارالار تىزبەسى دايىندالدى جانە وسى قازان ايىندا بەكىتىلدى.
سونداي-اق ەەك وتىرىسىندا ەلەكتر ەنەرگەتيكاسى نارىعى, تاۋارلاردى سايكەستەندىرۋ قۇرالدارىن كريپتوگرافيالىق قورعاۋ, گاز, مۇناي جانە مۇناي ونىمدەرىنىڭ ورتاق نارىقتارىن قالىپتاستىرۋ, تاۋارلارمەن ەلەكتروندى ساۋدا-ساتتىقتى اكىمشىلەندىرۋدىڭ بىرىڭعاي تالدامالىق جۇيەسىن ازىرلەۋ جانە ت.ب. ماسەلەلەر قارالدى. كەلەسى وتىرىستى 2022 جىلدىڭ 18 قاراشاسىندا ماسكەۋدە بەتپە-بەت جۇزدەسۋ فورماتىندا وتكىزۋ تۋرالى شەشىم قابىلداندى.
