قاتىسۋشىلار ەلورداداعى مەملەكەتتىك رامىزدەر الاڭىنا جينالىپ, بۇكىل ەل بويىنشا وتەتىن چەللەندجدى ىسكە قوستى. ەلوردالىق سپورتشىلار «قازاقستان – رەسپۋبليكام مەنىڭ» ولەڭىن وقىپ, ەستافەتانى اتىراۋ قالاسىنىڭ سپورتشىلارىنا تاپسىردى.
«مەملەكەت باسشىسى قاسىم-جومارت توقاەۆ زاڭعا وزگەرىستەر ەنگىزىپ, 25 قازاندى ۇلتتىق مەرەكە – رەسپۋبليكا كۇنى دەپ جاريالادى. ءبىز, استانا قالاسىنىڭ سپورتشىلارى, رەسپۋبليكا كۇنىن جاڭا ۇلتتىق مەرەكە رەتىندە اتاپ وتەمىز. وسىعان بايلانىستى, ءبىزدىڭ پاتريوتتىق اكتسيامىزدى 25 قازاندا اتاپ وتىلەتىن رەسپۋبليكا كۇنىنە ورايلاستىرۋ تۋرالى شەشىم قابىلداندى. بۇل چەللەندجدى اتىراۋ سپورتشىلارىنا تاپسىرامىز. اكتسيا وتاندىق سپورتتى دامىتۋ ماقساتىندا وتكىزىلەدى. چەللەندج تىزبەك بويىنشا ەلىمىزدىڭ وزگە قالالارى مەن وڭىرلەرىنە ەستافەتا رەتىندە بەرىلەدى», دەدى وليمپيادا چەمپيونى, قر ۇلتتىق وليمپيادا كوميتەتى باس حاتشىسىنىڭ ورىنباسارى سەرىك ساپيەۆ.
ايتا كەتسەك, پاتريوتتىق اكتسيا قازان ايىنىڭ سوڭىنا دەيىن جالعاسادى.
ء«ىس-شارانىڭ باستى ماقساتى – پاتريوتتىق سەزىمدى نىعايتۋ, حالىقتىڭ بىرلىگىن سپورتتىق ارەنادا دا كورسەتۋ, ەلىمىزدىڭ وسى سالاداعى جەتىستىكتەرىن اتاپ ءوتۋ. قاتىسۋشىلار «قىران ەلىم – قازاقستانىم!» اكتسياسى الدا كەلە جاتقان مەرەكەگە قۇرمەت كورسەتۋدىڭ ءبىر جولى, دەپ باعالادى», دەدى قالالىق دەنە شىنىقتىرۋ جانە سپورت باسقارماسى باسشىسىنىڭ ورىنباسارى ەركەعالي كوربوزوۆ.
پاتريوتتىق اكتسياعا كەز كەلگەن ادام قاتىسا الادى. ول ءۇشىن قالا تۇرعىندارىنىڭ جەكە پاراقشالارىندا #رەسپۋبليكاكۇنى, #دەنرەسپۋبليكي حەشتەگتەرىمەن بەينەروليكتەر جاريالاۋ قاجەت.
