وسى تۇستا ينفلياتسيا تۇسىنىگىنە انىقتاما بەرىپ وتسەك, ينفلياتسيا بۇل – تاۋارلار مەن قىزمەت باعالارىنىڭ تۇراقتى ءوسۋى نەمەسە وزگەرمەلى قۇبىلۋى. جالپى العاندا تاۋارلار مەن قىزمەتتەر قۇنى نارىقتاعى ۇسىنىس پەن سۇرانىستىڭ ناتيجەسىندە بەلگىلەنىپ وتارادى. ەكونوميكالىق جاعدايعا قاراي, تاۋار, قىزمەت باعاسى ءوسىپ نەمەسە ارزانداپ وتىرادى.
ۇلتتىق بانك ۇسىنعان دەرەكتەرگە قاراساق, ەلىمىزدە جىلدىق ينفلياتسيا 17,7% كورسەتكەن. وڭىرلەر بويىنشا ەڭ جوعارعى كورسەتكىش استانادا تىركەلگەن, ول تامىزدا 17,3%-دان قىركۇيەكتە 20,0%-عا دەيىن وسكەن.
ازىق-ت ۇلىك باعاسى بويىنشا, باعا 22,2 پايىزعا جوعارىلاعان, بۇل تۇستا, ماڭعىستاۋ وبلىسى ەڭ ۇلكەن كورسەتكىشتى كورسەتكەن – 29,7%.
ازىق-ت ۇلىككە جاتپايتىن تاۋارلار بويىنشا ءوسۋ قارقىنى 17,0% بولسا, ەڭ ۇلكەن كورسەتكىش استانادا (26,3%) تىركەلسە, ەڭ تومەن باعا الماتىدا (13,8%) ەكەن.
اقىلى قىزمەت كورسەتۋ باعاسى قىركۇيەكتە ج/ج 12,3%-عا ءوسىپ, ەداۋىر جوعارى باعا ۇلىتاۋ وبلىسىندا (16,5%) تىركەلگەن.
