جەرلەسىمىز جارىستىڭ شيرەك فينالىندا الەمدىك رەيتينگتە 75-ساتىعا جايعاسقان امەريكالىق دجون ۆولفپەن شەبەرلىك بايقاستى. ءۇش سەتكە جالعاسقان تارتىستى باسەكەدە بۋبليك 6:3, 5:7, 1:6 ەسەبىمەن قارسىلاسىنا جول بەردى. وتانداسىمىز العاشقى پارتيادا 6:3 ەسەبىمەن جەڭىسكە جەتكەنىمەن, كەيىنگى ەكى سەتتە قارسىلاسى مىقتىلىق تانىتتى. الەكساندر امەريكالىق تەننيسشىدەن وسىمەن ەكىنشى مارتە جەڭىلدى.
سونداي-اق گەرمانياداعى «چەللەندجەر» تۋرنيرىندە باق سىناعان تاعى ءبىر قازاقستاندىق تەننيسشى دەنيس ەۆسەەۆ تە جارتىلاي فينالعا جولداما الا المادى. شيرەك فينالدا پولشالىق تەننيسشى كاسپەر جۋك جەرلەسىمىزدەن ءۇش سەتتە – 4:6, 6:3, 3:6 ەسەبىمەن ايلاسىن اسىردى.
