«سامميتتە قاۋىپسىزدىك سالاسىنداعى ىنتىماقتاستىق ماسەلەلەرىنە ەرەكشە نازار اۋدارىلدى. مەملەكەت باسشىلارى 2023-2025 جىلدارعا ارنالعان تەرروريزم مەن ەكسترەميزمگە قارسى كۇرەس سالاسىنداعى ىنتىماقتاستىق باعدارلاماسىن بەكىتتى», دەدى قر پرەمەر-ءمينيسترىنىڭ ورىنباسارى مۇحتار تىلەۋبەردى.
ونىڭ ايتۋىنشا, تمد مەملەكەت باسشىلارى كەڭەسى وتىرىسىنىڭ تاعى ءبىر قۇجاتى كليماتتىق كۇن تارتىبىندەگى ەلدەردىڭ بىرلەسكەن ءىس-قيمىلدارىنىڭ ماڭىزدىلىعىن اتاپ وتكەن كليمات سالاسىنداعى ىنتىماقتاستىق تۋرالى مالىمدەمە بولدى.
بۇعان دەيىن قازاقستان پرەزيدەنتى قاسىم-جومارت توقاەۆ تمد مەملەكەت باسشىلارى كەڭەسىنىڭ شاعىن قۇرامداعى وتىرىسىنىڭ قورىتىندىسىن جاريالاعان بولاتىن.
