سونىمەن قاتار قازاقستاننىڭ بەلارۋسپەن اراداعى ستراتەگيالىق سەرىكتەستىكتى جان-جاقتى دامىتۋعا باسا ءمان بەرەتىنىن اتاپ ءوتتى. اڭگىمەلەسۋ بارىسىندا پرەزيدەنتتەر ەكى ەل اراسىنداعى كوپجوسپارلى ىنتىماقتاستىقتىڭ قازىرگى جاعدايى مەن قارىم-قاتىناستاردى ودان ءارى نىعايتۋ پەرسپەكتيۆالارىن تالقىلادى.
ساۋدا-ەكونوميكالىق ءوزارا ءىس-ارەكەت پەن وندىرىستىك كووپەراتسيانى جان-جاقتى جانداندىرۋعا ەرەكشە نازار اۋدارىلدى.
– مەن ۇكىمەت مۇشەلەرىنە ساۋدا-ساتتىقتى, ينۆەستيتسيالىق ىنتىماقتاستىقتى ارتتىرىپ, جوبالاردى ىلگەرىلەتۋ ءۇشىن بارلىق مۇمكىندىكتى جاساۋ قاجەت دەپ ۇنەمى ايتىپ وتىرامىن. قولدا بار الەۋەتتى پايدالانۋ قاجەت. مەنىڭ تاراپىمنان ءتيىمدى كوپجاقتى ىنتىماقتاستىقتى ودان ءارى دامىتۋ ءۇشىن بارلىق شارالار قابىلدانادى, – دەدى قاسىم-جومارت توقاەۆ.
الەكساندر لۋكاشەنكو سامميتكە شاقىرعانى ءۇشىن مەملەكەت باسشىسىنا العىس ايتىپ, اوسشك-ءتى ودان ءارى نىعايتۋدىڭ الەۋەتى مول ەكەنىن اتاپ ءوتتى.
– اوسشك ۇيىمىن جاھاندىق دەڭگەيدە دامىتا باستاعانىڭىز وتە دۇرىس, – دەدى بەلارۋس پرەزيدەنتى.
سونىمەن قاتار مەملەكەتتەر باسشىلارى حالىقارالىق جانە ايماقتىق كۇن ءتارتىبى تۋرالى پىكىر الماستى.
