تۇرىك كوشباسشىسى ۋكرايناداعى «قانتوگىستى» دەرەۋ توقتاتۋ ماقساتىندا وڭتايلى ديالوگتى جالعاستىرۋعا شاقىردى.
«تۇركيا ۇزاق ۋاقىت بويى بۇۇ ۇسىنعان رەفورمالاردىڭ ماڭىزدىلىعىنا نازار اۋدارىپ كەلەدى. بىراق ءدال قازىر الەمنىڭ بارلىق ەلدەرى, بارشا ادامزات ورتاق تاعدىردى ءبولىسىپ وتىر. پاندەميا بۇل فاكتىنى تاعى دا راستادى», دەدى تۇرىك باسشىسى.
تۇركيا پرەزيدەنتى تەرروريستىك ۇيىمداردى قولداۋدىڭ كەز كەلگەن ارەكەتتەرىنە قارسى كۇرەستىڭ ماڭىزدىلىعىن اتاپ ءوتىپ, قاۋىپسىزدىك سالاسىنداعى سىن-قاتەرلەرگە دە نازار اۋداردى.
تۇرىك مەملەكەتىنىڭ باسشىسى اۋعانستانداعى جاعدايعا توقتالىپ, الەمدىك قاۋىمداستىقتى «اۋعان حالقىن قيىن-قىستاۋ ۋاقىتتا جالعىز قالدىرماۋعا» شاقىردى.
تۇرىك كوشباسشىسى انكارا اۋعان حالقىنا قولدان كەلگەنشە كومەك كورسەتىپ جاتقانىن اتاپ ءوتتى.
«قازىرگى تۇركيا - ءجىو-گە بولىنەتىن گۋمانيتارلىق كومەك كولەمى بويىنشا الەمدىك كوشباسشى بولىپ سانالادى. بۇل كورسەتكىش قازىردىڭ وزىندە 5,6 ملرد دوللارعا جەتتى», دەدى ەردوعان.
ول تۇركيا اۋماعىندا تۇرىپ جاتقان بوسقىندار مەن ميگرانتتاردىڭ سانى ءتورت ميلليوننان اسقانىن دا تىلگە تيەك ەتتى.
جيىن بارىسىندا رەجەپ تايپ ەردوعان مەملەكەتتەردىڭ ەكونوميكالىق ءوزارا ءىس-قيمىلى تاقىرىبىنا دا توقتالدى.
«انكارا كولىك دالىزدەرىن دامىتۋدى, ازيانى ەۋروپامەن بايلانىستىراتىن زاماناۋي جىبەك جولىن قالىپتاستىرۋدى جاقتايدى», دەپ اتاپ ءوتتى تۇرىك كوشباسشىسى.
