جالپى, سوڭعى ۋاقىتتا وبلىستا سالىقتان جالتارۋ مەن بەرەشەكتى وتەمەۋگە قاتىستى داۋلى ىستەر كوبەيىپ وتىر. سونداي جاعىمسىز وقيعانىڭ ءبىرى قوناەۆ قالاسىندا ورنالاسقان ويىنحانالاردىڭ بىرىنەن انىقتالعان. بۇل تۋرالى جەدەل تەكسەرۋ جۇرگىزگەن وبلىستىق پروكۋراتۋرانىڭ وكىلدەرى مالىمدەدى.
– قازىر وبلىستىق پروكۋراتۋرانىڭ تالابى بويىنشا سالىق سالاسىنىڭ ماماندارى قوناەۆتاعى ويىنحانالارعا جوسپاردان تىس تەكسەرىس جۇرگىزىپ جاتىر. تەكسەرۋ كەزىندە زاڭ بۇزۋ فاكتىسى انىقتالدى. ماسەلەن, ويىن اۆتوماتتارى قويىلعان زالداردىڭ بارلىعىندا ۇتىس اقشانىڭ پايىزىن دۇرىس وتەمەۋ فاكتىسى تىركەلدى. «ويىن بيزنەسى تۋرالى» زاڭىنىڭ 12-بابى 6-بولىگى بويىنشا قوناقتار ۇتىستىڭ 95 پايىزىن الۋى كەرەك, سايكەسىنشە, ويىنحانا 5 پايىزىن ۇستاپ قالۋعا قۇقىلى. الايدا ويىنحانا ۇتىستىڭ 25-30 پايىزىنا دەيىن, ءتىپتى كەيبىر زالداردا 50 پايىزعا دەيىن ۇلەستى الىپ قالىپ وتىرعان. تەكسەرىس بارىسىندا ويىن بيزنەسىمەن اينالىساتىنداردىڭ قالتاسىندا 2,6 ملرد تەڭگە قالعانى انىقتالدى. بۇل قارجى قوناقتار جەڭگەن كەزىندە بەرىلۋى كەرەك بولعان, – دەيدى وبلىستىق پروكۋراتۋرانىڭ ءباسپاسوز حاتشىسى ماقسات ءابىروۆ.
الماتى وبلىسى
