«ديزەل وتىنى باعاسىنىڭ وسۋىنە مۇناي جەتكىزۋشىلەردىڭ ايلا-شارقى ارەكەتتەرى ىقپال ەتكەنى انىقتالدى. ماسەلەن, شاعىن جەتكىزۋشىلەر جاعدايدى پايدالانىپ, كوتەرمە باعانى كوتەرىپ, مارجانى جاساندى تۇردە كوتەردى. ولاردىڭ قىزمەتى مونوپولياعا قارسى زاڭنامامەن رەتتەلمەيدى. ويتكەنى, تاۋار نارىعىنداعى ۇلەسى تومەن, ال كوتەرمە باعالار شەكتى باعامەن شەكتەلمەيدى», دەپ جازدى بەرىك اسىلوۆ دەپۋتاتتىق ساۋالعا بەرگەن جاۋابىندا.
بۇعان دەيىن حابارلانعانداي, وڭىرلىك وپەراتور ءۇش مىڭ تونناعا جۋىق ديزەل وتىنىن زاڭسىز وتكىزگەن. اتاپ ايتقاندا, اقتوبە وبلىسىندا «باتىس جەر» جشس وڭىرلىك وپەراتورى ءوزىنىڭ اۆتوجانارماي قۇيۋ ستانتسيالارىنىڭ جەلىسى ارقىلى 2 مىڭ 982 توننا كولەمىندە جەڭىلدىكتى وتىن ساتتى. ەكونوميكالىق تەرگەۋ دەپارتامەنتى وپەراتورعا قاتىستى قىلمىستىق كودەكسىنىڭ 221-بابى بويىنشا سوتقا دەيىنگى تەرگەپ-تەكسەرۋ جۇرگىزەدى.
