استانا پروكۋراتۋراسى مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرا وتىرىپ, التى جىلعا باس بوستاندىعىنان ايىرۋ تۇرىندەگى جازا تاعايىنداۋدى, ال جازانى وتەۋ رەجيمىن ورتاشا قاۋىپسىزدىكتەگى قىلمىستىق اتقارۋ جۇيەسى مەكەمەسىندە تاعايىنداۋدى سۇرادى.
ء«ۇي قاماۋىنا بايلانىستى ە.بىرتانوۆقا قاتىستى بۇلتارتپاۋ شاراسى قاماۋدا ۇستاۋعا اۋىستىرىلسىن. جازانى وتەۋ مەرزىمى ۇكىم زاڭدى كۇشىنە ەنگەن كۇننەن باستاپ ەسەپتەلسىن. ە.ءبىرتانوۆتى قاماۋدا ۇستاۋ ۋاقىتى 2020 جىلعى 30 قازاننان 2020 جىلعى 6 قاراشاعا دەيىن, سونداي-اق ۇكىم شىعارىلعان كۇننەن باستاپ ونىڭ زاڭدى كۇشىنە ەنگەنىنە دەيىن جازانى وتەگەن 1,5 كۇن ءۇشىن قاماۋدا ۇستاۋدىڭ 1 كۇنى ەسەبىنەن جازا مەرزىمىنە ەسەپتەلسىن», دەدى پروكۋرور باۋىرجان شەكەنوۆ سوت وتىرىسى بارىسىندا.
سونداي-اق ە.ءبىرتانوۆ پەن ونىڭ بۇرىنعى ورىنباسارى و.ابىشەۆتەن 1 ملرد 548 ملن 136 مىڭ 575 تەڭگەنى, وعان قوسا ءبىرتانوۆتان سانيتارلىق اۆياتسيا بورتىن پايدالانۋعا جۇمسالعان 5 ملن 503 مىڭ 721 تەڭگەنى ءوندىرىپ الۋ ۇسىنىلدى.
بۇرىنعى دەنساۋلىق ساقتاۋ مينيسترىنە قر قىلمىستىق كودەكسىنىڭ 361-بابى ءتورتىنشى بولىگىنىڭ ءۇشىنشى تارماعى بويىنشا ايىپ تاعىلدى.
قىلمىستىق ءىس بويىنشا الدىن الا تىڭداۋ 26 قاڭتاردا باستالدى. بۇرىنعى دەنساۋلىق ساقتاۋ ءمينيسترى ەلجان ءبىرتانوۆ پەن ۆيتسە-مينيستر ولجاس ابىشەۆكە قاتىستى سوتقا دەيىنگى تەرگەۋ وتكەن جىلدىڭ شىلدە ايىندا اياقتالدى.
ولار دەنساۋلىق ساقتاۋ مينيسترلىگىنىڭ جۇمىس ىستەمەيتىن اقپاراتتاندىرۋ پلاتفورماسىن پايدالانۋعا بەرۋ ارقىلى لاۋازىمدىق وكىلەتتىكتەرىن اسىرا پايدالاندى دەپ كۇدىكتەلۋدە. پلاتفورما دەنساۋلىق ساقتاۋ جۇيەسىندەگى ماسەلەلەردى جەدەل شەشۋ ءۇشىن پاتسيەنتتەر, ءدارى-دارمەكتەر جانە مەديتسينالىق ونىمدەر تۋرالى بارلىق اقپاراتتى بىرىكتىرۋى كەرەك ەدى. بۇگىنگى تاڭدا پلاتفورما جۇمىس ىستەمەيدى. ورىندالماعان جۇمىستاردىڭ قۇنى 4,1 ملن اقش دوللارىن نەمەسە 1,5 ملرد تەڭگەنى قۇرايدى.
