رەسمي ۇيىمدار اتالعان ءتاريفتى قولدانىسقا ەنگىزۋ ارقىلى جولاۋشىلاردىڭ ناقتى لەگىن باقىلاۋعا, قاجەت جاعدايدا قوسىمشا اۆتوبۋستار شىعارۋعا مۇمكىندىك بەرىلەتىنىن اتاپ وتىر. بيۋدجەتتەن بولىنەتىن سۋبسيديا دا وسىدان سوڭ قايتا قارالماق.
– سارالانعان ءتاريفتى ەنگىزۋ تۋرالى شەشىم ادىلەت مينيسترلىگىمەن كەلىسىلدى. ءتيىستى قاۋلىعا «اۆتوموبيل كولىگى تۋرالى» زاڭعا سايكەس قول قويىلدى. اقپاراتتىق قۇقىقتىق جۇيەلەردە جاريالاندى, – دەدى قاراعاندى قالاسى كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمىنىڭ باسشىسى الىبەك دۇيسەمبەكوۆ.
سونىمەن قاتار ول قاراعاندى قالاسىنىڭ ىشىندەگى № 118, 145 ەكسپرەسس-باعىتتارداعى قوسىمشا اقى تولەۋ جويىلاتىنىن حابارلادى. جولاقىنى قولما-قول تولەگەن جولاۋشىلارعا ەرەكشە ۇلگىدەگى قاعاز بيلەت بەرىلەدى.
بۇگىنگى تاڭدا قاراعاندى قالاسىنداعى قوعامدىق كولىكتە كارتا تولەمىنىڭ ۇلەس سالماعى 60%-عا جەتكەن. جاريا ەتىلگەن دەرەكتەر كۇن سايىن «onay» كارتاسىمەن شامامەن 150 مىڭ تولەم جاسالاتىنىن مالىمدەيدى. ماماندار سارالانعان تاريف ىسكە قوسىلعاندا كارتامەن تولەۋ 95%-عا دەيىن ارتاتىنىن بولجايدى. وسى كۇنى قوعامدىق كولىكتىڭ بارىندە كارتامەن تولەيتىن قۇرال ورناتىلعان.
– بارلىق اۆتوبۋستا «onay» ەلەكتروندى جولاقى تولەۋ قۇرالى ورناتىلعان. قالا تۇرعىندارىنا ىڭعايلى بولۋ ءۇشىن بىزدە قىزمەت كورسەتۋ ورتالىعى جۇمىس ىستەيدى. قالانىڭ ءار اۋدانىندا ازاماتتاردى تىركەۋ ورتالىقتارى اشىق. بىرىڭعاي كولىك كارتاسىن قالادا 70-تەن استام جەردەن ساتىپ الۋعا بولادى, – دەيدى «الماتى قالاسىنىڭ كولىك حولدينگى» جشس قاراعاندى وبلىسى بويىنشا فيليالىنىڭ ديرەكتورى گەورگي كوگاي. بۇگىنگى تاڭدا جولاقىنى تولەۋدىڭ ءارتۇرلى تاسىلدەرى قولدانىلادى. ول – كارتا, QR-كود, كولىك كودى, SMS ارقىلى. سونداي-اق قولما-قول اقشامەن تولەۋگە رۇقسات.
اۆتوپاركتەر قوعامدىق كولىك تاسىمالىنا تاعى 92 جاڭا اۆتوبۋس ساتىپ الۋدى جوسپارلاپ وتىر. بۇيىرسا, تاعى جاڭا 40 كولىك جولاۋشىلار تاسىمالىنا شىعادى. بىلتىرعى جەلتوقساننان باستاپ, قولدانىسقا ەنگەن «onay» ەلەكتروندى تولەم جۇيەسىنىڭ كارتاسىن 195 مىڭ قاراعاندىلىق الدى. ونىڭ 111 مىڭعا جۋىعى جەڭىلدەتىلگەن ساناتتاعى تۇرعىندار بولسا, بىرىڭعاي كارتانى 80 مىڭ ازامات ساتىپ العان ەكەن.
قالاارالىق مارشرۋتتاردا تاريفتەر وزگەرىسسىز. وندا جولاقىسىن تەك قولما-قول تولەۋ كەرەك.
قاراعاندى
