اكتسياعا قوعامدىق ۇيىمداردىڭ وكىلدەرى, ازاماتتىق بەلسەندىلەر مەن ەرىكتىلەر قوسىلدى. ءوز كەزەگىندە الماتىلىق ستۋدەنتتەر EcoStudentKZ رەسپۋبليكالىق جوباسىنا قولداۋ ءبىلدىردى.
سەنبىلىكتىڭ الدىندا قالانىڭ توتەنشە جاعدايلار دەپارتامەنتىنىڭ ماماندارى جاستاردى تاۋلى جەرلەردەگى قاۋىپسىزدىك شارالارىمەن تانىستىرىپ, ەرەجەلەر بويىنشا نۇسقاۋلىق وتكىزدى.
بەلسەندىلەر قالاداعى ەڭ تانىمال تۋريستىك ورىنداردى – كوكجايلاۋ ءۇستىرتىن, بۇتاقتى, كازاچكا, كىماسار جانە پروحودنوە شاتقالدارىن تازالاۋ جۇمىستارىن جۇرگىزدى. بيىلعى توعىز ايدا ىلە الاتاۋ ۇلتتىق پاركىنە 630 مىڭعا جۋىق ادام كەلگەن. سەنبىلىككە قاتىسۋشىلار 35 تونناداي قوقىس جيناپ, مەدەۋ اۋدانىندا 250 الما اعاشىن وتىرعىزدى.
قالالىق جاستار ساياساتىن دامىتۋ مەملەكەتتىك قورىنىڭ ديرەكتورى ازيز قاجدەنبەك وسىنداي جاقسى باستامانىڭ جالعاسى بولۋ كەرەك ەكەنىن اتاپ ءوتتى. ونىڭ ايتۋىنشا, قورشاعان ورتاعا قامقورلىق ءبىر عانا اكتسيا اياسىندا شەكتەلمەۋگە ءتيىس, تازالىق, ەكولوگيا ماسەلەلەرى قالانىڭ ءاربىر تۇرعىنىنىڭ جانە تۋريستەردىڭ ۇنەمى قاپەرىندە بولۋى شارت. «سەبەبى تازالىق ءوز ولكەسىنە دەگەن قامقورلىق تا ادامنىڭ وزىنەن باستالادى», دەيدى قور باسشىسى.
ەكولوگيالىق سەنبىلىك تابيعاتقا قامقورلىق تانىتىپ جۇرگەن جاستاردى بىرىكتىرۋگە, قورشاعان ورتانى قورعاۋ جانە ەكولوگيالىق ءتۋريزمدى دامىتۋ ماسەلەلەرىنە نازار اۋدارۋعا ارنالعان.
الماتى
