الماتىدا سەزد دەلەگاتتارى مەن فورۋمعا قاتىسۋشىلار «جاستار رۋحىنىڭ» قالاداعى بەلسەندىلەرىمەن كەزدەستى. قازاقستان ۆولونتەرلەر ليگاسىنىڭ باسشىسى نۇرسۇلتان بەكقايروۆ قاسىم-جومارت توقاەۆتىڭ كانديدات رەتىندە ءبىر ۇيىمنان ەمەس, بۇكىل حالىقتىق كواليتسيادان ۇسىنىلۋى ادىلەتتى قازاقستاندى قۇرۋ جولىندا كوپشىلىك جۇرت بولىپ جۇمىلۋعا دايىن ەكەندىگىن ايعاقتايتىنىن اتاپ ءوتتى.
«جاستار رۋحى» الماتى قالالىق فيليالىنىڭ توراعاسى اكەجان كەڭەسوۆ پارتيا مەملەكەت باسشىسىنىڭ قوعامدىق تىرەگى رەتىندە قازاقستاندىقتاردى ساياسي جانە ەكونوميكالىق رەفورمالاردى تابىستى ىسكە اسىرۋدا بىرىكتىرۋگە قابىلەتتى ەلدەگى ساناۋلى ۇيىمداردىڭ ءبىرى دەپ ەسەپتەيدى.
«سەزدە سويلەگەن سوزىندە «Amanat» توراعاسى ەرلان قوشانوۆ پارتيادان قاسىم-جومارت توقاەۆتىڭ كانديداتۋراسىن ۇسىندى. دەلەگاتتار بۇل شەشىمدى ءبىراۋىزدان قولدادى. سونداي-اق سەزد بارىسىندا دەلەگاتتار جاڭا ساياسي تۇعىرنامانى بەكىتتى», دەدى ول.
قاراعاندىداعى وبلىستىق اۋرۋحانا الاڭىندا بەلسەندى پىكىرتالاس ءوتتى. مەديتسينالىق مەكەمە ۇجىمى بۇگىندە بەيبىتشىلىك پەن كەلىسىمدى ساقتاۋ بۇرىنعىدان دا وزەكتى ەكەنىنە سەنىمدى. سوندىقتان دا ولار الداعى سايلاۋدا قاسىم-جومارت توقاەۆتى ەڭ ءتيىمدى ءارى لايىقتى كانديدات دەپ ەسەپتەيدى.
«مەن سايلاۋدىڭ ءبىرىنشى كەزەكتە اشىق, ءادىل وتكەنىن قولدايمىن. قازاقستان بۇگىندە پوستكەڭەستىك كەڭىستىكتەگى تۇراقتىلىق ورناعان ەل بولىپ وتىر. ەلىمىز كوپۇلتتى, ەگەر ءبىز بىرگە شەشىم قابىلداساق, ءبارى جاقسى بولادى. ەڭ باستىسى, بەيبىتشىلىك», دەدى رەپرودۋكتولوگ-گينەكولوگ لالي پاك.
اقتاۋدا «كاسپي جىلۋ, سۋ ارناسى» ەڭبەك ۇجىمىمەن پارتيانىڭ كەزەكتەن تىس XXIV سەزىنىڭ دەلەگاتى, كارديوحيرۋرگ نۇرلان تىلەپوۆ كەزدەستى. ول جينالعاندارعا سەزد جۇمىسىنىڭ ناتيجەلەرى, جاڭا ساياسي تۇعىرنامانىڭ قابىلدانعانى جانە الداعى پرەزيدەنتتىك سايلاۋعا دايىندىق تۋرالى ايتىپ بەردى.
«مەن سەزدىڭ دەلەگاتتارى, «Amanat» پارتياسىنىڭ مۇشەلەرى مەملەكەت باسشىسىن پارتيانىڭ كانديداتى رەتىندە بەلسەندى قولداۋعا بەل بۋعانىنا سەنىمدىمىن», دەدى ول.
