Energyprom زەرتتەۋىندە اتاپ وتىلگەندەي ءبىر جىل ىشىندە ناننىڭ قۇنى 19,4%-عا ءوستى.
«قارا بيداي نانىنىڭ باعاسى 24,7%-عا, جوعارى سۇرىپتى ۇننان جاسالعان بيداي نانى 28,2%-عا, ءبىرىنشى سۇرىپتى ۇننان جاسالعان بيداي نانى 14,4%-عا, كەسىلگەن نان باعاسى 28,1%-عا ءوستى», دەلىنگەن باسىلىمدا.
ساراپشىلاردىڭ پىكىرىنشە, نان ەلدىڭ بارلىق ايماقتارىندا قىمباتتادى. سونىڭ ىشىندە ۇلىتاۋ وبلىسىندا نان باعاسى بىردەن 48,3%-عا, اقمولا وبلىسىندا 27,6%-عا, الماتىدا 25,8%-عا ءوستى.
Energyprom زەرتتەۋشىلەرىنىڭ ايتۋىنشا, قالا تۇرعىندارى اۋىل تۇرعىندارىنا قاراعاندا بيداي نانىن از تۇتىنادى: 7,2 كگ جانە 7,8 كگ.
«وسى جىلدىڭ قاڭتار-تامىز ايلارىندا جاڭا پىسكەن نان ءوندىرىسى 342,4 مىڭ توننانى قۇرادى, بۇل وتكەن جىلمەن سالىستىرعاندا 3%-عا از. سەكتورداعى شىعارىلىمنىڭ تورتتەن ءبىر بولىگى تۇركىستان وبلىسىنا تيەسىلى بولدى. توپ-3 وڭىردە الماتى مەن اقتوبە وبلىسى دا بولدى», دەلىنگەن باياندامادا.
