پارتيانىڭ پاۆلودارلىق مۇشەلەرى پرەزيدەنت كانديداتۋراسىنا قاسىم-جومارت توقاەۆتى ۇسىنۋ يدەياسىن ءبىراۋىزدان قولدايدى. مەملەكەت باسشىسىنىڭ ساياساتى ەڭ اۋەلى تۇرعىنداردىڭ الەۋمەتتىك تۇرمىسىن جاقسارتۋعا باعىتتالعانى بەلگىلى. پارتيانىڭ جۇمىسى دا حالىقپەن كەرى بايلانىس ورناتىپ, الەۋمەتتىك ماسەلەلەردى شەشۋگە قۇرىلعان. سوندىقتان دا الداعى ۋاقىتتا بيلىك پەن حالىق اراسىنداعى التىن كوپىر نىعايىپ, ويعا العان رەفورمالار ناتيجەلى جۇزەگە اسادى دەگەن سەنىم مول.
كۇنى كەشە مەملەكەت باسشىسى پاۆلودار وبلىسىنا جۇمىس ساپارىمەن كەلىپ, ءوڭىردىڭ الەۋەتىن ەرەكشە اتاپ ءوتتى. سايكەسىنشە, مۇندا تىڭ جوبالاردى جۇزەگە اسىرۋعا مۇمكىندىك زور ەكەنىن ناقتىلادى. بۇل بىزگە ارتىلعان سەنىم دەپ تۇسىنەمىز. الداعى ۋاقىتتا تۇرعىنداردىڭ الەۋمەتتىك جاعدايىن جاقسارتۋعا باعىتتالعان جوبالار قولعا الىنىپ, پارتيا مۇشەلەرى يگى ءىستىڭ باسى-قاسىندا جۇرەتىنىنە ەشكىم ءشۇبا كەلتىرە قويماس.
بۇگىندە بۇلجىماستاي كورىنگەن حالىقارالىق قاتىناستار, قوعامدىق قۇندىلىقتار, الەۋمەتتىك, ادامي بايلانىستار تۇبەگەيلى سىنعا تۇسكەنى راس. وسىنداي تاريحي, جاۋاپتى كەزەڭدە ورتاق مۇددە مەن ماقسات ءۇشىن ءبىر جاعادان باس, ءبىر جەڭنەن قول شىعاراتىن ۋاقىت كەلدى.
يليا تەرەنچەنكو,
«Amanat» پارتياسى پاۆلودار وبلىستىق فيليالىنىڭ اتقارۋشى حاتشىسى
