بۇقتىرما ۋىلدىرىق شاشۋ-ءوسۋ شارۋاشىلىعىنىڭ ينكۋباتسيالىق تسەحتارىنان ەسىل وزەنىنە 100 000 اق امۋر, 96 798 تۇقى بالىعىنىڭ شاباعى جىبەرىلدى.
بالىق شاباقتارى ەسىل وزەنىنە ارنايى جابدىقتالعان كولىكتەرمەن تاسىمالدانادى.
اق امۋر تۇقى تۇقىمداسىنا جاتادى. ول جىل سايىن شامامەن 10 سانتيمەترگە دەيىن وسەدى. اق امۋر شوپقورەكتى, سۋ جانە جەر وسىمدىكتەرىمەن قورەكتەنەدى.
بۇل بالىق نازىك ءارى ەتىنىڭ دامدىلىگىنىڭ ارقاسىندا جۇرتشىلىق اراسىندا سۇرانىس جوعارى. بۇل بالىق كوپ قورەكتەنەدى جانە جىلدام وسەدى. ولار قامىس وسىندىلەرىمەن, بالىقتار مەن باقالاردىڭ ۋىلدىرىعىمەن, قۇرتتار, شايان تارىزدىلەر, جاندىكتەرمەن قورەكتەنەدى.
«بالىقتاندىرۋ استانا قالاسى ءماسليحاتىنىڭ دەپۋتاتى, ەلوردانىڭ قورشاعان ورتانى قورعاۋ جانە تابيعات پايدالانۋ باسقارماسى, ەسىل وبلىسارالىق بالىق شارۋاشىلىعى باسسەيندىك ينسپەكتسياسى, سۋ رەسۋرستارىن پايدالانۋدى رەتتەۋ جانە قورعاۋ جونىندەگى ەسىل باسسەيندىك ينسپەكتسياسى, قالالىق ەكولوگيا دەپارتامەنتى, اقمولا وبلىسى بويىنشا «قازاقرىبحوز» بالىقشىلار مەن بالىق شارۋاشىلىعى سۋبەكتىلەرىنىڭ قوعامدىق بىرلەستىكتەرىنىڭ رەسپۋبليكالىق قاۋىمداستىعى, «جاسنۇر» جشس وكىلدەرىنىڭ, «بۇقتىرما ۋىلدىرىق شاشۋ-ءوسۋ شارۋاشىلىعى» جشس, سونداي-اق بالالار-جاسوسپىرىمدەر ءتۋريزمى جانە ولكەتانۋ ورتالىعى جانىنداعى ەكولوگيالىق ۇيىرمەنىڭ 8 سىنىپ وقۋشىلارى, ەلوردا تۇرعىندارى قاتىسۋىمەن جۇرگىزىلدى», دەلىنگەن حابارلامادا.
