8 قازان كۇنى ساعات 02:45-تە كولىك پوليتسياسىنا جامبىل وبلىسىنىڭ
«بۋرنىي – سۋرىم» ارالىعىنداعى «قىزىلوردا-سەمەي» جولاۋشىلار پويىزىنىڭ ەلەكتر قوندىرعىسى ورتەنگەنى تۋرالى حابارلاما كەلىپ ءتۇستى.

وقيعا ورنىنا كولىك پوليتسياسىنىڭ جەدەل-تەرگەۋ توبى جىبەرىلدى. جانعان ۆاگوننىڭ ەكى جاعىنداعى ۆاگوندار قورشاۋعا الىنىپ, 34 جولاۋشى قاۋىپسىز جەرگە شىعارىلدى.
زارداپ شەككەندەر جوق. وقيعا بويىنشا سوتقا دەيىنگى تەرگەۋ باستالدى.