الەم • 07 قازان، 2022

ارگەنتينادا فۋتبول ستاديونىندا جاپپاي تارتىپسىزدىك بولدى

39 رەت كورسەتىلدى

ارگەنتينانىڭ لا-پلاتا قالاسىندا جەرگىلىكتى فۋتبول كلۋبتارى اراسىنداعى ويىن تارتىپسىزدىككە ۇلاستى. سالدارىنان كەزىندە ءبىر ادام قازا تاۋىپ، 100-گە جۋىعى جارالاندى، دەپ حابارلايدى Egemen.kz.

جارالانعانداردىڭ اراسىندا پوليتسيا قىزمەتكەرلەرى دە بار.

بۋەنوس-ايرەس پروۆينتسياسىنىڭ قاۋىپسىزدىك ءمينيسترى سەرحيو بەرني وقيعانىڭ حۋان كارمەلو سەريلو ستاديونىندا بولعانىن ايتتى.

مالىمەتتەرگە سەنسەك، ستاديونعا شەكتەن تىس كورەرمەن كىرگىزىلگەن. كىرە بەرىسكە جينالعان جانكۇيەرلەر قورشاۋلاردى بۇزىپ وتۋگە تىرىسقان. ولار ماتچ باستالىپ كەتكەن ستاديونعا كىرگەن كەزدە پوليتسيا كوزدەن جاس اعىزاتىن گاز قولدانۋعا ءماجبۇر بولعان.

وسى كەزدە 57 جاستاعى بۇرىنعى فۋتبولشى سەزار گۋستاۆو رەگەيرو جۇرەك تالماسىنا ۇشىراپ، اۋرۋحاناعا بارا جاتقان جولدا قايتىس بولدى.

تورەشى ەرنان ماسترانەلو ماتچتىڭ 9-مينۋتىندا كەزدەسۋدى كەيىنگە قالدىردى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار