ايماقتار • 07 قازان، 2022

ماڭعىستاۋدا مۇناي قالدىقتارىن توككەن كومپانيا ءىرى ايىپپۇل تولەدى

64 رەت كورسەتىلدى

ماڭعىستاۋدا جەكە كومپانيا ەكولوگيالىق كودەكستىڭ ءتورت بابى بويىنشا اكىمشىلىك جاۋاپكەرشىلىككە تارتىلدى، دەپ حابارلايدى Egemen.kz.

جەتىباي كەنتىنىڭ تۇرعىندارى ءوندىرىس قالدىقتارى ەلدى مەكەنگە جاقىن جەردە توگىلىپ جاتىر دەپ شاعىمدانعان. بۇل تۋرالى «حابار 24» اقپارات تاراتتى.

ناتيجەسىندە وبلىستىق ەكولوگيا دەپارتامەنتىندە تابيعاتقا زيان كەلتىرگەن بىرنەشە كومپانيا بىردەن اكىمشىلىك جاۋاپكەرشىلىككە تارتىلدى.

اۋىلدا مۇناي قالدىقتارى اعىلىپ جاتقان جەرلەر ءجيى كەزدەسەدى. ءبىر كەزدەرى بۇل اۋماقتا بىرنەشە كاسىپورىن بولعان. ونداعى يەلەر ۇنەمى وزگەرىپ وتىردى.

سايىپ كەلگەندە، مۇنداعى جەر قالدىقتاردى توگەتىن ورىنعا اينالدى، بۇل شامامەن 10 مىڭ توننا وڭدەلگەن ماي.

«بارلىق قالدىقتار وسىندا اعىزىلادى. ولار ەكولوگياعا قانداي زيان كەلتىرەتىنى تۋرالى ويلانباستان وزدەرى قالاعان نارسەنى جاسايدى. ويتكەنى، تەك تابيعات قانا ەمەس، ءبىز دە، تۇرعىندار دا زارداپ شەگىپ وتىرمىز»، دەيدى اۋىل تۇرعىنى اعزام جۇمساقوۆ.

قاراقيا اۋدانى تۇرعىندارىنىڭ شاعىمىنان كەيىن كوپ ۇزاماي ەكولوگيا دەپارتامەنتىنىڭ وكىلدەرى جوسپاردان تىس تەكسەرۋ جۇرگىزدى. جۇرگىزىلگەن تالداۋ لاستانعان جەرلەردە مۇناي قالدىقتارى بولعانىن راستادى.

«جەتىباي اۋىلى تۇرعىندارىنىڭ ءوتىنىشى بويىنشا ەكولوگيا دەپارتامەنتى پروكۋراتۋرا ورگاندارىمەن بىرلەسىپ «Void» جشس-نە قاتىستى جوسپاردان تىس تەكسەرۋ جۇرگىزدى. قالدىقتاردى زاڭسىز توككەنى ءۇشىن كومپانياعا 56 ميلليون تەڭگە ايىپپۇل سالىندى»، دەپ ءتۇسىندىردى وبلىستىق ەكولوگيا دەپارتامەنتى باسشىسىنىڭ ورىنباسارى ماقسات ايسين.

2022 جىلدىڭ باسىنان باستاپ ەكولوگتار 48 وندىرىستىك كاسىپورىندى تەكسەردى. سالىنعان ايىپپۇلداردىڭ جالپى سوماسى 240 ميلليون تەڭگەدەن استى، ونىڭ 109-ى تولەندى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار