پىكىر • 07 قازان، 2022

جاڭا رەفورماعا سەنىم زور

49 رەت كورسەتىلدى

20 قاراشاعا بەلگىلەنگەن كەزەكتەن تىس پرەزيدەنت سايلاۋى ۇلكەن ساياسي رەفورمالاردى جۇزەگە اسىرۋعا بايلانىستى تۋىنداپ وتىر. ەل پرەزيدەنتى قاسىم-جومارت توقاەۆ جاريا ەتكەن ادىلەتتى قازاقستان جولىمەن ءجۇرۋ ءۇشىن حالىق سەنىمى مەن ناقتى جوسپار قاجەت.

قاڭتار وقيعاسىنان كەيىن بەتى اشىلعان كەلەڭسىزدىكتەردى ەڭسەرۋ، الداعى ۋاقىتتا ادىلەت­سىزدىكتەرگە جول بەرمەۋ، قوعامدى جاڭارتۋ، بيلىكتىڭ حالىققا ەسەپتى بولۋىن قامتاماسىز ەتۋ – قازاقستان حالقىنىڭ باستى تالابى. بۇل تۋرالى  حالىق ءوز پىكىرىن اشىق ايتۋدا.

پرەزيدەنت سايلاۋى – دەموكراتيانى دامىتۋ­عا، مەملەكەتتىك ينستيتۋتتاردى نىعايتۋعا، جەرگىلىك­تى ءوزىن-ءوزى باسقارۋدى كۇشەيتۋگە، سول ارقىلى تولىققاندى حالىقتىق بيلىك ورگاندارىن قالىپتاستىرۋعا باعىتتالعان قادامداردىڭ باسىندا تۇر دەپ تۇسىنەمىن. ءبىز حالىق بيلىگىن ورناتۋدى دەموكراتيالىق جولمەن قامتاماسىز ەتۋگە ءتيىسپىز. بۇل ورايدا، سايلاۋشىلاردىڭ الداعى وتەتىن سايلاۋلاردىڭ بارىنە جاۋاپكەرشىلىك­پەن، ساۋاتتىلىقپەن قاراعانى ابزال. ويتكەنى الەمنىڭ قارقىندى ينتەگراتسيالانۋى، كۇن سا­يىن كۇردەلەنە تۇسكەن گەوساياسي جاعدايلار، ەكونوميكالىق ۇدەرىس­تەر، ىشكى، سىرتقى ساياسي احۋال سەكىلدى ماڭىزدى فاكتورلاردى نازارعا الماۋ مۇمكىن ەمەس.

كەشە عانا وتكەن ءداستۇرلى جانە الەمدىك دىندەر ليدەرلەرىنىڭ سەزىندە ءيزرايلدىڭ ءراۆۆينى ءاربىر ەۆرەيدىڭ ءوزىنىڭ تاڭعى دۇعاسىندا جاراتۋشىدان سۇرايتىن ەكى ماسەلەسىن ايتقانى ەسكە ءتۇسىپ وتىر. ونىڭ ءبىرىنشىسى – ءار ەۆرەي ازاماتى يزرايلگە جاقسىلىق سۇرايدى، ەكىنشىسى بۇگىن كەزدەسكەن ادامىنىڭ جاقسى جاقتارىن كورسەتۋدى سۇرايدى. قازىر ءبىزدىڭ ەلىمىز ءۇشىن، جالعىز وتانىمىز – قازاقستان ءۇشىن وسىنداي تىلەكتەردى تىلەيتىن، نيەتتى تۇزەيتىن، جاڭارۋعا ۇلەس قوساتىن ۋاقىت دەپ سانايمىن. مەن قازاقستاننىڭ جاڭارۋ يدەياسىنا سەنەمىن.

پرەزيدەنت سايلاۋى ەلىمىزدە سايلاۋ پاراديگماسىن جاقسارتۋدى، ونىڭ اشىقتىعى مەن سايلاۋ ۇدەرىسىنە حالىقتىڭ سەنىمىن قامتاماسىز ەتۋگە ءتيىس دەپ ويلايمىن. بۇل سايلاۋدا سايلاۋشىلار وي-پىكىرىن اشىق ايتادى، ءوز تاڭداۋ­لارىن جاساۋىنا ەشكىم توسقاۋىل قويا المايدى. سايلاۋ بارىسىنداعى ساياسي پلاتفورمالاردىڭ باسەكەلەستىگى ازاماتتاردىڭ سانالى تاڭداۋىنا الىپ كەلەدى، سايلاۋ ادىلەتتى وتەدى دەپ سەنەمىن. پرەزيدەنت سايلاۋىنىڭ ترانسپارەنت­تى ءوتۋى ەلى­مىزدىڭ حالىقارالىق قاۋىمداستىق­تاعى بەدەلىن ارتتىرىپ قانا قويماي، ىشكى ساياسي تۇراقتىلىقتى نىعايتۋعا جانە ەكونوميكامىزدىڭ ودان ءارى قارىشتاپ دامۋىنا جول اشپاق.

حالىقتىڭ باسىم بولىگى ەڭ الدىمەن الەۋمەت­تىك-ەكونوميكالىق ماسەلەدەن وزگەرىس كۇتەدى. ماسەلەن، جاقسى ءومىر ءسۇرۋ، باقۋاتتى تۇرمىس كەشۋ، باعانىڭ، گاز بەن جانار-جاعارمايدىڭ ارزانداۋى، ينفلياتسيانىڭ تومەندەۋى، جالاقىنىڭ ءوسۋى دەگەن سەكىلدى. تۇرمىسى تۇزەلسە، سوعان ىرزا بولىپ، تىرشىلىك دوڭگەلەگىن سۇيرەتىپ جۇرگەن قاراپايىم حالىق بار. بۇل سايلاۋدىڭ ادىلەتتى بولۋى، ەرىكتى سايلاۋ ينستيتۋتىنىڭ ورناۋى، جاڭا ساياسي قوعامدىق بىرلەستىكتەردىڭ ارەناعا شىعۋى، سول ارقىلى پارلامەنتتىڭ جاساقتالۋى، مىنە، شىن وزگەرىسكە ناقتى جاسالعان قادامدار وسىلار.

كونستيتۋتسيالىق رەفورمالاردىڭ تۇپكى ماق­ساتى – حالىقتىڭ ءال-اۋقاتىن ارتتىرۋ، الەۋمەتتىك تەڭسىزدىكتى جويۋ، ەلدىڭ تۇراقتىلىعىن قامتاماسىز ەتۋگە باعىتتالعانىن ەسكەرسەك، بۇل سايلاۋدان كەيىن ەلىمىز دامۋدىڭ داڭعىل جولىنا ءتۇسىپ، ۋادە ەتىلگەن، جوسپارلانعان شارۋالار كەزەڭ-كەزەڭىمەن ناتيجەلى جۇزەگە اسادى دەگەن سەنىم مول.

 

ءلاززات سۇلەيمەن،

سەنات دەپۋتاتى

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار