پىكىر • 07 قازان، 2022

بۇل – بولاشاقتىڭ تاڭداۋى

65 رەت كورسەتىلدى

جاستار حالقىمىزدىڭ، مەملەكەتىمىزدىڭ الدىنداعى ءوز جاۋاپكەرشىلىگىن قاشاندا تەرەڭ سەزىنەدى. ۇلتىمىزدىڭ باسىنان وتكەن كۇردەلى ءارى قيىن ساتتەردە رۋحتى، نامىسشىل جاستارىمىز ازاتتىق تۋىنىڭ استىنا جينالدى، اتا-بابالارىمىزدىڭ اماناتىنا ادالدىق تانىتتى! بۇعان – تاريح كۋا.

بۇگىن دە ەل جاستارى قازاقستانداعى بارلىق وڭ وزگەرىستىڭ جارشىسى. سونىڭ ىشىندە «اmanat» پارتياسىنىڭ «جاستار رۋحى» جاستار قاناتى – ەلىمىزدەگى ەڭ ءىرى بەلسەندى ۇيىم. ءبىز دە الداعى كەزەكتەن تىس پرەزيدەنت سايلاۋىنا تاس-ءتۇيىن دايىنبىز. «جاستار رۋحىنىڭ» سەزىندە مەملەكەت باسشىسى ء«بىلىم، ەڭبەكقورلىق، پاتريوتيزم» باسىمدىقتارىن ەرەكشە اتاپ ءوتتى. بىزبەن مۇددەلەس، ماقساتى ءبىر جاستار ءوز بولاشاعىن تۋعان ەلىمەن عانا بايلانىستىرادى. ولار ادىلدىك پەن زاڭعا، دەموكراتيالىق قاعيدالارعا نەگىزدەلگەن ادىلەتتى قازاقستاندى كورگىسى كەلەدى. ولار پرەزيدەنت قاسىم-جومارت توقاەۆ قولعا العان رەفورمالاردى قولدايدى. سەبەبى ءبىز مەملەكەت باس­­شى­سىنىڭ جاستارعا دەگەن زور سەنىمىن، قامقورلىعىن انىق كورىپ وتىرمىز.

قازىرگى ۋاقىتتا جاستار مەملەكەتتى باسقارۋ ىسىنە بەلسەندى ارالاسا باستادى. باسقارۋشىلاردىڭ «جاڭا فورماتسياسىن» قالىپتاستىرۋ ماقساتىندا پرەزيدەنتتىك جاستار كادرلىق رەزەرۆى جاساقتالدى. ءماجىلىس پەن ماسليحات­تارداعى جاس دەپۋتاتتاردىڭ جالپى ۇلەسى 30 پايىزعا جەتتى. سونداي-اق مەملەكەتتىك ءبىلىم گرانتتارىنىڭ سانى 20، ستۋدەنت جاستاردىڭ شاكىرتاقىسى 35 پايىزعا ۇلعايتىلدى. عىلىمدى، سونىڭ ىشىندە جاس عالىمداردى قارجىلاندىرۋ 3 ەسەگە ارتتى. العاش رەت جاستاردىڭ كاسىپكەرلىك باستامالارىن قولداۋعا 2،5 پايىزدىق شاعىن نەسيە بەرۋ مىندەتى قويىلدى. سونىمەن قاتار جاستاردىڭ تسيفرلىق الەۋەتىن ارتتىرۋ ءۇشىن يننوۆاتسيالىق باعدارلامالاۋ مەكتەپتەرى ىسكە قوسىلىپ، 20 مىڭ IT-ۆاۋچەر ءبولىندى.

ارينە،  جاستارعا قاتىستى شەشىل­مە­گەن ماسەلەلەر از ەمەس. دەگەنمەن  مەم­لەكەتتىك جاستار ساياساتىنداعى وڭ وزگەرىستەر بىزگە سەنىم مەن جىگەر بەرەدى. ءال-فارابي بابامىزدىڭ «ەلىڭنىڭ بولا­شاعىن بىلگىڭ كەلسە، ماعان جاس­تارىڭدى كورسەت» دەگەن قاناتتى ءسوزى بار. ءححى عاسىرداعى قازاق جاستارى ين­تەللەكتۋال، ءبىلىمدى، ەڭبەكقور، وتكىر دە نامىستى ۇرپاق دەپ سەنىممەن ايتا الامىن! قيىن-قىستاۋ ساتتەردە، ارىس پەن ماقتاارالداعى سۋ تاسقىنى، قوستانايداعى الاپات ءورت، جاھاندىق پاندەميا كەزىندە دە الدىڭعى قاتاردا جاستار، ەرىكتىلەر جۇرگەنىن بىلەسىزدەر.

ءبىز – جاستار ارقاشان وتانىمىزدىڭ ءبىر قاجەتىنە جاراۋعا، قولىمىزدان كەلگەنشە جاقسىلىق، قايىرىمدىلىق جا­ساۋعا قۇلشىنىپ تۇرامىز! ءبىز الداعى كەزەكتەن تىس پرەزيدەنت سايلاۋىندا قاسىم-جومارت كەمەل ۇلىن قولدايمىز. ءوز زامانداستارىمىزدى دا بىزبەن بىرگە بولۋعا شاقىرامىز. بۇل تاڭداۋ بولاشاقتىڭ تاڭداۋى ەكەنىنە ءبىز كامىل سەنەمىز!

 

نۇرجان جەتپىسباەۆ،

«جاستار رۋحى» جاستار قاناتىنىڭ توراعاسى

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار