قوعام • 06 قازان، 2022

قوسىمشانىڭ كومەگى ەلەۋلى

42 رەت كورسەتىلدى

بىلتىر ىشكى ىستەر مينيسترلىگى «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ ماقساتىندا «102» ءموبيلدى قوسىمشاسىن ىسكە قوسقانى بەلگىلى. جاڭا جۇيە قولعا الىنعاننان بەرى تۇرعىندارمەن بايلانىس نىعايىپ، ءوزارا ديالوگ قالىپتاسا باستاعانى بايقالادى.

مينيسترلىك الدىندا تۇرعان مىندەتتەردىڭ ءبىرى – زاماناۋي تەحنولوگيالىق، ازاماتتاردىڭ سەنىمىنە يە ىشكى ىستەر ورگاندارى جۇيەسىن قۇرۋ. اقپاراتتىق تەحنولوگيالاردىڭ قازىرگى دامۋ دەڭگەيىندە كەز كەلگەن اقپارات تەز تارالادى. سايكەسىنشە، پو­لي­تسيانىڭ ازاماتتاردىڭ حابار­لا­مالارىنا دەن قويۋى دا جەدەل بولعانى قاجەت-اق. كۇن سا­يىن رەسپۋبليكا بويىنشا پو­­لي­­تسيانىڭ جەدەل باسقارۋ ورتا­لىق­­تارىنىڭ وپەراتورلارى 102-ارناعا كەلىپ تۇسكەن 10 مىڭعا جۋىق حابارلاماعا جاۋاپ بەرەدى ەكەن. سونىمەن بىرگە وقيعا تۋرالى اقپارات پوليتسياعا ەمەس، الەۋمەتتىك جەلىلەرگە جىبەرىلەتىن جاعدايلار دا كوپ كەزدەسەدى. ادەتتە، ءتۇر­لى وقيعالاردىڭ كۋا­گەر­­لەرى فوتو­سۋرەتتەردى نەمەسە ۆيدەولاردى ءوز پاراقشالارىنا سالادى نەمەسە تانىمال پاب­ليك­تەرگە جىبەرەدى. بۇل وقيعالاردى ءتارتىپ ساق­شى­­لارى الەۋمەتتىك جە­ل­ى­­لەردى باقىلاۋ كەزىندە انىق­تاي­دى. بۇل رەتتە پوليتسيا قىز­مەت­كەرلەرى قۇقىق بۇزۋ­شى­لىق­تىڭ جولىن كەسۋ نەمەسە قىل­مىس­­تى اشۋ ءۇشىن ءبىراز ۋاقىت جوعالتادى.

«102» قوسىمشاسىنىڭ ار­تىق­شىلىعى – وقيعالار تۋرالى قىسقا حابارلامالار مەن فوتو، ۆيدەو جىبەرۋ مۇمكىندىگى جانە وقيعا ورنىنان تىكەلەي بەي­نەقوڭىراۋ شالۋعا بولادى، بۇل جبو وپەراتورىنا نە بولىپ جاتقانىن كورۋگە جانە دەرەۋ ءتيىستى شارالار قابىلداۋعا مۇمكىندىك بەرەدى. قوسىمشا ارقىلى سىبايلاس جەمقورلىق، پوليتسيا قىزمەتكەرى تاراپىنان جاسالعان بوپسالاۋ فاكتىسىنە تاپ بولعان جاعدايدا ءىىم-ءنىڭ وزىندىك قاۋىپسىزدىك قىز­مە­تىنە دە جۇگىنۋگە بولادى. قو­سىم­شانىڭ كومەگىمەن پوليتسيا جە­دەل ارەكەت ەتىپ، قىلمىستاردى اشۋ­داعى تيىمدىلىك ارتقانى باي­قا­لادى. باستىسى – كوپتەگەن قۇقىق بۇزۋ­­شىلىقتىڭ الدىن الۋعا جول اشىلىپتى.

«ەگەر وزىڭىزگە نەمەسە وزگە­لەر­گە قاۋىپ ءتونىپ تۇر دەپ ويلا­ساڭىز، ماس ادامنىڭ رۋلگە وتىر­­عانىن كورسەڭىز، زورلىق-زوم­بىلىقتىڭ كۋاسى بولساڭىز، جان­ۋار­لارعا قاتىگەزدىك جاسالىپ جات­قانىن كورسەڭىز، كۇدىك­تى ادامدى بايقاساڭىز، دەرەۋ حابار­لاڭىز. تەك بىرلەسكەن كۇش-جىگەرىمىزبەن عانا قۇقىق بۇزۋ­شىلىققا توزبەيتىن جانە قاۋىپسىز قوعام قۇرامىز»، دەيدى ءىىم اقپاراتتاندىرۋ جانە بايلانىس دەپارتامەنتىنىڭ باس مامانى ءادىل سارسەنوۆ.

بۇل جۇيەگە كەلىپ تۇسكەن حابار­لا­مالاردى جەدەل باسقارۋ ورتا­لى­عى­نىڭ 300 وپەراتورى، ىشكى ىستەر ورگاندارى قۇرى­لىم­­دارىنىڭ 424 كەزەكشى بو­لىم­دە­رىن­دەگى 1200 مامان نا­زارعا الىپ، ءتيىستى شارالار قول­عا الىنادى. قوسىمشا ىسكە قو­­سىلعاننان بەرى 1،2 ميلليون حا­بارلاما تۇسكەن.

سوڭعى جاڭالىقتار

قازاق بالۋانى ۇلىقتالدى

قوعام • بۇگىن، 14:36

6 جەلتوقسان - پروكۋراتۋرا كۇنى

قازاقستان • بۇگىن، 13:00

سقو-دا 50 جىلقى مۇز استىندا قالدى

ايماقتار • بۇگىن، 09:18

ۇقساس جاڭالىقتار