ول 1967 جىلى 2 اقپاندا الماتىدا تۋعان.
1991 جىلى الماتى ەنەرگەتيكالىق ينستيتۋتىن ءبىتىردى. ءوزىنىڭ ديپلوماتيالىق مانسابىن 1993 جىلى رەفەرەنت لاۋازىمىنان باستاعان.
قازاقستاننىڭ پاكىستانداعى, اۋسترياداعى ەلشىلىكتەرىندە, قازاقستاننىڭ نيۋ-يوركتەگى بۇۇ جانىنداعى تۇراقتى وكىلدىگىندە جۇمىس ىستەپ, وندا بۇۇ باس اسسامبلەياسىنىڭ ءۇشىنشى كوميتەتىنىڭ, بۇۇ ءتۇرلى ورگاندارىنا سايلاۋدىڭ ماسەلەلەرىن جۇرگىزدى, سونداي-اق قازاقستاننىڭ ۆەنا قالاسىنداعى ەقىۇ جانىنداعى تۇراقتى وكىلدىگىندە قىزمەت اتقاردى.
قازاقستاننىڭ ەقىۇ-عا توراعالىعى كەزىندە ۇيىمنىڭ ەكىنشى ولشەمىنىڭ (ەكولوگيا جانە ەكونوميكا ماسەلەلەرى) جۇمىسىن ۇيلەستىردى.
قر ءسىم-ءنىڭ الماتىداعى وكىلدىگىنىڭ كەڭەسشىسى بولىپ, قازاقستاننىڭ حالىقارالىق ۇيىمدارمەن ىنتىماقتاستىق ماسەلەلەرىنە جەتەكشىلىك ەتتى.
ورتالىق اپپاراتتا كوپجاقتى ىنتىماقتاستىق دەپارتامەنتىن باسقاردى. 2019-2021 جىلدارى قازاقستاننىڭ پاكىستانداعى ەلشىسى, ال 2021-2022 جىلدارى سىرتقى ىستەر ءمينيسترىنىڭ ورىنباسارى بولدى.
قازاقستاننىڭ نيۋ-يوركتەگى بۇۇ جانىنداعى تۇراقتى وكىلى لاۋازىمىنا تاعايىندالعانعا دەيىن 2022 جىلدان باستاپ سىرتقى ىستەر ءمينيسترىنىڭ ءبىرىنشى ورىنباسارى بولدى.
ءى سىنىپتى توتەنشە جانە وكىلەتتى ۋاكىل ديپلوماتيالىق دارەجەگە يە.
