قوعام • 05 قازان، 2022

ەڭ اسىل جان بىزگە ءوزىڭ عاناسىڭ

58 رەت كورسەتىلدى

انا! مىنا جالعان جارىق دۇنيەدەگى ەڭ ىستىق، ەڭ قاستەرلى، ەڭ قا­سيەتتى ۇعىم! انام تۋرالى ويلارىمدا، ايتار سوزىمدە شەك جوق. دەگەن­­مەن قالام الىپ، اق قاعازعا اناڭ تۋرالى وتكەن شاقتا جازۋ قان­داي قيىن...

انامدى ساعىندىم... انامسىز وتكەن ءبىر جىل... ءالى دە سەنە الار ەمەسپىن... سەنۋ قيىن. دەگەنمەن بۇل دا ءومىردىڭ بۇلجىماس قاتال زاڭى. امالسىز مويىنسۇنامىز. مىنا ءومىردىڭ جالعان ەكەنىن ۇقتىرىپ وتكەن سول اۋىر شاقتان باستاپ اناما دەگەن ماڭگىلىك ساعىنىشىم باستالدى. ادام باسىنان وتكەرمەسە، بارلىق جان دۇنيەڭدى كۇيرەتىپ وتەر ول كۇيدى جازىپ جەتكىزۋ قيىن. ەشكىمنىڭ باسىنا بەرمەسىن. انالار امان بول­سىنشى!

ەس بىلگەلى ەتەگىندە ەركەلەپ وسكەن انامدى ەڭ ۇلكەن قامقورشىم ساناپ، ونى ماقتان ەتەتىنمىن. مەن ءۇشىن انام ۇلتتىڭ اناسى، قازاقتىڭ اناسى سياقتى اسەر قالدىراتىن. اسىل انام 10 بالا تاربيەلەپ وسىرگەن، ەكى مارتە «التىن القا» يەگەرى اتانعان كەڭقۇرساق، ەل اراسىندا قادىرى اسقاق جان ەدى. ءتۇن ۇيقىسىن ءتورت ءبولىپ وسىرگەن ۇل-قىزدارى امان-ەسەن ەر جەتىپ، ۇلكەن ومىردەن ءوز ورىندارىن تاپتى. انامسىز تاربيە كورىپ، قاناتىمىز قاتايۋى ەكىتالاي-تىن. ءالى كۇنگە دەيىن اقىلىن ىزدەپ، مەيىرىمىن اڭساپ تۇرامىز.

اكەم ەكەۋى قانداي جاراسىمدى ەدى. قانشا قينالسا دا قاباق شىتپاي، ىشتەي ۇعىنىسىپ، سىيلاسىپ عۇمىر كەشتى. ءالى كۇنگە دەيىن اۋىلداعى قاراشاڭىراقتا اسقار تاۋ اكەمنىڭ جانىندا جۇرگەندەي كورىنەدى. الىستان جىلىنا ءبىر-ەكى رەت بارىپ جۇرگەندەگى كۇتىپ وتىرعان بەينەسى ماڭگى ەسىمىزدە. اۋىلعا بارعان سايىن مەيىرىمىڭىزدى ساعىنامىز. ءالى دە ەركەلەگىمىز كەلەدى.

ءومىر زاڭى – امالىم جوق، تالاسىم...

جادىمىزدا ماڭگى قالدىڭ اناشىم،

اسىل انام! نۇر شاشقانداي كەلبەتىڭ،

ەڭ اسىل جان بىزگە ءوزىڭ عاناسىڭ!

اسىل اناشىم، ەندى ءسىزدىڭ ورنىڭىزدى ەشكىم تولتىرا الماس!

 

ەلەركە تورەحانوۆا

 

استانا

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار