جاستار قولتاڭباسى

تالدىقورعان قالاسىندا قا­زاق­ستان رەسپۋبليكاسى تۇڭعىش پرە­زيدەنتىنىڭ جۇلدەسى ءۇشىن ءىV حالىق سپورتى ويىندارى­نىڭ جالاۋى كوتەرىلگەلى دە ءبىراز كۇن بولدى. وسى شاراپاتتى شارا كەشەگى كۇنى ء“بىر شا­ڭىراق استىندا بىرلىگىمىز جا­راسقان” اكتسيا­سىمەن جالعاسىپ, ەل­با­سى اللەياسىنا جينال­عان جاستار قاتارى ەداۋىر بولدى. اسىرەسە, وب­لىستىق “جاسىل ەل” جاساقشىلارى مەن “جاس وتان” جاستار قاناتى “ەلباسىمەن ءبىر­گەمىز, بەرىك ءبىزدىڭ ىرگەمىز” اتتى جاستار اكتسياسىنىڭ اۋقىمىن كەڭەيتىپ, بۇل كۇندى ەرەكشە ىنتا-ىقىلاسپەن وتكىزدى. وسى باعىتتا قازاقستان رەس­پۋب­لي­كاسى تۇڭعىش پرەزيدەنتىنىڭ ساياباعىنا كوكتەمدە وتىرعىزىلعان مىڭنان استام قايىڭ, ەمەن, شىر­شا, تاعى باسقا اعاش كوشەتتەرىن كۇتىپ-باپتاپ, سۋارۋمەن اينالىستى. بۇدان سوڭ “مەنىڭ ۇلەسىم” ۇرانى­مەن جاسىلەلدىكتەر قالاداعى باسقا دا باقتاردى رەتكە كەلتىردى. ماسە­لەن, وسى كۇنى  70-تەن اسا جاسىلەل­دىك­تەر قىزىلاعاش اۋىلىنداعى تاسقىننان زار­داپ شەككەن ايماقتى كوگالداندىرۋ مەن كو­رىكتەندىرۋ ماق­ساتىندا وتىرعىزىلعان 8 342 ءتۇپ كوشەتتى سۋارىپ, تازالىق  جۇ­مىس­تارىن جالعاستىرىپ, بەلسەنە ەڭبەك ەتتى. وبلىستىق ىشكى ساياسات دەپار­تا­مەنتىنىڭ ۇيىمداستىرۋىمەن “ەلبا­سى جولداۋى – كوش­باسشىلىق جولى”, “اۋىل – مەنىڭ قۇت مەكەنىم, بەرەكەم!”, “پاتريوتيزم: ەل مەن جەردى قۇر­مەت­تەۋ”, “باستى قۇن­دى­لى­عىمىز: ىنتىماق, بىرلىك, بەرەكە”, “جاستار – ەلدىڭ سەنىم­دى بولاشاعى” تاقىرىپتارىندا جاستار فەستي­ۆال­دەرى جەتى ايماقتا جالعاسىن تاپسا, ودان ءارى باسقا جەرلەردە دە ءورىس­تە­تىلەتىن بول­دى. اكتسياعا قاتىسقان وبلىستىق ىشكى ساياسات دەپارتامەنتى ديرەكتورىنىڭ ورىن­با­سا­رى عالياس­قار سارىباەۆ وتكىزىلگەن شارا­نىڭ ماڭىزدىلىعى جايلى ويىن ورتاعا سالدى: – قازىرگى كەزدە وبلىستا 506 636 جاس بول­سا, ونىڭ 395 255-ءى اۋىلدا, 110 381-ءى قالادا تۇرادى. وسىعان قا­راماستان, جاستاردىڭ بەلسەن­دى­لىگى­مەن جانە ەڭبەككە دەگەن قۇل­شىنىسىمەن وتكىزىلگەن فەستيۆال­دەر جوعارى دەڭگەيدە بولعانىن ايتۋعا ءتيىسپىز. سوڭعى بەس جىلدا عانا 3692 جۇ­مىسسىز جاستار “جاسىل ەل” جاساق­شىلارى رەتىندە ەڭبەككە تارتىلسا, ولار وبلىس كولەمىندە 635894 اعاش كوشەتتەرىن وتىرعىزىپ, 966,03 گەكتار جەردى اباتتاندىرۋعا قاتىستى. اعىمداعى جىلى  “جاسىل ەل” شتابىنا رەسپۋبليكالىق بيۋد­جەت­تەن 10 ملن. 715 مىڭ تەڭگە, وب­لىستىق بيۋدجەتتەن 15 ملن. 969 مىڭ تەڭگە  بولىنسە,  750 ستۋدەنت پەن جۇمىسسىز جاس ەڭبەكپەن قامتىلدى. ماسەلەن, ءساۋىر-مامىر اي­لا­رىن­دا “جاسىل ەل” جاساقشىلارى جال­پى اۋماعى 34 گەكتار جەردى قو­قىستان  تازار­تىپ, 26 190 ءتۇپ ءار­تۇرلى اعاش كو­شەت­تەرىن وتىر­عىزدى, – دەدى ول. جاستار ء“بىر شاڭىراق اس­تىن­دا بىرلىگىمىز جا­راس­قان”, “ەلبا­سى­مەن بىرگەمىز, بەرىك ءبىزدىڭ ىرگەمىز” اكتسياسىن جاستىق جا­لىندارىمەن ءورىپ, باستاما باياندىلىعىمەن ەرەك­شەلەندى. ولاردى قولداۋ, جۇ­مىلدىرۋ ارقىلى كوپتەگەن ءىس-شا­رالاردى جوعارى دەڭگەيدە وتكىزۋگە بولاتىنىنا كوز جەتتى.  بۇل ولار­دىڭ ەل مەن جەرگە, مەملەكەت باس­شىسىنا دەگەن كىرشىكسىز پەيىلى مەن رياسىز كوڭىلدەرىنىڭ ايعاعى ىسپەتتى بولدى. ءيا, جەتىسۋلىق جاستاردىڭ جالىن­داعان ءىس-قيمىلى وسىلايشا تاعى ءبىر قىرىنان كورىندى. كۇمىسجان بايجان, الماتى وبلىسى. سۋرەتتە: اكتسياعا قاتىسۋشى جاستار توبى. جۇلدەلى بيىكتە – جاس جۇزگىشتەر جاقىندا الماتىدا ۇلى وتان سوعىسىنداعى جەڭىستىڭ 65 جىلدىعى اياسىندا ەسكەكاياقپەن جۇزۋدەن ەلىمىزدىڭ چەمپيوناتى بولىپ ءوتتى. وسى جارىس بارىسىندا وتە جوعارى ناتيجەلەرگە قول جەتكىزىلگەنىن ايتۋ ءلازىم. №5 مامانداندىرىلعان كەشەندى بالالار مەن جاسوسپىرىمدەر تەحنيكالىق سپورت مەكتەبىنىڭ وقۋشىسى ارتەم كليموۆيچ ءۇش بىردەي قاشىقتىقتا – 50, 100 جانە 200 مەترگە جۇزۋدە حالىقارالىق دارەجەدەگى شەبەر ءنورماتيۆىن اسىرا ورىنداسا, ارمياشى ۆالەري يۋدين بۇل نورماتيۆتەن 100 جانە 200 مەترلىك قاشىقتىقتا اسىپ ءتۇستى. بىرىنشىلىكتىڭ باس تورەشىسى يۋري كۋتسين ايتقانداي, الماتى قالاسىندا سپورت دارىندارىن باۋلۋدىڭ جاڭا ۇستاحاناسى پايدا بولعاندىعى جاعىمدى جاڭالىققا اينالدى. ءبىر عاجابى, ناق وسىنداي ۇستاحانا دەپ №173 فيزيكا-ماتەماتيكا گيمنازياسىن ايتا الامىز. بۇل ءبىلىم ور­دا­سى جارىس­تار­عا جاي قا­تىسىپ قانا قويماي, ەرىك-جىگەر تانىتىپ, جوعارى ناتيجەلەردى باعىندىرا ءبىلدى. ءسويتىپ, وزدەرىنىڭ بولاشاعى زور, ءۇمىت كۇتتىرەر ۇكىلى سپورت­شىلارىن بارلىق ءىرى جارىستارعا ءاردايىم جىبەرىپ ءجۇر. سونىڭ ءبىر ايعاعى, وسى بىرىنشىلىكتە گيمنازيا تۇلەگى اسحات ايتباەۆ 50 مەتر قاشىقتىققا سۇڭگۋدە جانە ەستافەتالىق جۇزۋدە ەكىنشى ورىن الدى.  ءوزى ارمانداپ جۇرگەن سپورت شەبەرى ءنورماتيۆىن ورىنداۋ ءۇشىن وعان نەبارى سەكۋندتىڭ وننان ەكى مەزەتى عانا جەتپەي قالدى. ءيا, مۇنى ءبىر قۋانىشتىڭ ءبىر وكىنىشى دەسەك تە, مەرەيلەنەر جايلار جەتەرلىك. اتالمىش گيمنازيا وقۋشىلارى الۋا مىرزاباەۆا, نۇربولات توستەمىروۆ, اسقار دۇيسەباەۆ, باقىتنۇر سماتوۆ, ايسۇلتان دىلدابەكوۆ, دايان قالي سياقتى جاس جۇزگىشتەر ەستافەتالىق  جۇزۋدە جۇلدەلى بيىكتەردەن كورىندى. گيمنازيانىڭ بىلتىرعى تۇلەكتەرى الۋا وسپان مەن اسحات ايتباەۆ وتكەن جىلدىڭ ساۋىرىندە تۇركيانىڭ ىستامبۇل قالاسىندا وتكەن الەم كۋبوگىنىڭ قولا جۇلدەگەرلەرى اتانعان ەدى. سودان بەرى گيمنازيا وقۋشىلارى الماتى قالاسىنىڭ جانە ەلىمىزدىڭ بارلىق بىرىنشىلىكتەرىندە ۇدايى جۇلدەلى جەڭىستەردى ۋىستارىنان شىعارعان ەمەس. قازاقتىڭ جاس جۇزگىشتەرىنىڭ جەڭىس ايدىنى لايىم كەڭەيە بەرگەي. قورعانبەك امانجول, الماتى. ولجاس ولجالى ورالدى استانا قالاسىندا وتكەن “اق كو­گەر­شىن” ءىV  حالىقارالىق باي­قاۋىن­دا  ەلىمىزدىڭ بار­لىق وبلىستارىنان, كورشىلەس مەملەكەت­تەر­دەن كەلگەن 1500-گە جۋىق ءانشى, ءبيشى, كۇيشى بال­دىرعاندار ونەرلەرىن سىنعا سالدى. باي­قاۋ­عا ءبىزدىڭ وبلىستان دا ءبىر توپ  ونەرپاز بارعان بولاتىن. بايقاۋدىڭ “حالىقتىق اسپاپ” نومي­ناتسياسىنا دومبىرالارىن ار­قالاپ كەلگەن 54 بالا جوعارى توپتا, ال 20 بالا كىشى توپتا ونەر كورسەتتى. بۇل نوميناتسيادا گران-ءپريدى قا­زان­عاپ اتىنداعى بالالار ونەر مەك­تە­بىنىڭ 3-سىنىبىندا وقيتىن ولجاس قازىمبەتوۆ جەڭىپ الدى. كىشكەنتاي دومبىراشى بايقاۋدا العاشقى كەزەڭ­دە قۇرمانعازىنىڭ  “كوك الا ات”  كۇيىن, ەكىنشى كەزەڭدە “اداي­دى” تار­تىپ, قازىلاردىڭ كوڭىلىنەن شىق­تى. ول قازىردىڭ وزىندە توكپە كۇيلەردى بابىنا كەلتىرىپ ورىندايدى ەكەن. بۇعان دەيىن ء“بىز استانامەن قۇرداسپىز!” قالالىق بايقاۋىندا ماقتاۋ قاعازىن  العان وندىردەي ونەرپاز جاس مۋزىكانتتاردىڭ 43 وبلىستىق فەستيۆال-بايقاۋىندا ءىى دارەجەلى ديپلوممەن مارا­پاتتالىپ­تى, قازانعاپ اتىنداعى بالالار ونەر مەكتەبىندە مەكتەپىشىلىك بايقاۋدا جوعا­رى توپ اراسىندا باسەكەگە ءتۇسىپ, الپىسقا جۋىق ونەرپازدىڭ اراسىنان ءى ورىندى يەلە­نىپتى. ولجاس تەك ونەردە عانا ەمەس, ءوزى وقۋ ۇزدىگى دە كورىنەدى. ساتىبالدى ءساۋىرباي, اقتوبە وبلىسى.