«رامازان توقتاروۆتىڭ ءبىزدىڭ حالقىمىزعا وتە تانىمال, كورنەكتى جازۋشى ەكەنى كۇمانسىز. رامازان توقتاروۆتى مەن ءبىلۋشى ەدىم. ويتكەنى, مارقۇم اكەم كەزىندە جازۋشىلار وداعىندا ونىمەن بىرگە, ءبىر كابينەتتە وتىردى. رامازان توقتاروۆ ءبىزدىڭ ۇيىمىزگە كەلىپ, اكەممەن بىرگە وتىرىپ دامدەس بولعان. ەكەۋى جاقسى ارالاستى, بىرگە ءجۇردى. سوندىقتان رامازان توقتاروۆتىڭ شىعارماشىلىعىن مەن جاقسى بىلەمىن», دەدى پرەزيدەنت.
سونداي-اق ول جازۋشىنىڭ شىعارماشىلىعى تۋرالى پىكىرىمەن دە ءبولىستى.
«ابايدىڭ جۇمباعى» دەگەن رومانى ول كىسىنىڭ ەڭبەكتەرىنىڭ شىڭى دەپ ايتۋعا بولادى. رامازان توقتاروۆتىڭ جازۋ ءستيلى وتە كۇردەلى ەمەس, بىراق بىرەگەي دەپ ايتۋعا بولادى, وتە ەرەكشە. سوندىقتان رامازان توقتاروۆ – وتە تانىمال, اسا قۇرمەتتى جازۋشى. ءبىز ءبارىمىز ونى ماقتان تۇتامىز», دەدى قاسىم-جومارت كەمەل ۇلى.
