جوبا «تەاتر ونەرى», «حورەوگرافيالىق ونەر», «مۋزىكالىق-ورىنداۋشىلىق ونەر», «بەينەلەۋ جانە ساندىك-قولدانبالى ونەر» سياقتى 4 نوميناتسيا بويىنشا 19 سىيلىقتى قامتيدى. سونىمەن قاتار بالالار جىلىنا ورايلاستىرىلعان «ۇزدىك بالالار سپەكتاكلى ءۇشىن» ارنايى جۇلدە جاريالاندى.
ۆيتسە-مينيستر UMAI ۇلتتىق سىيلىعى قازاقستاننىڭ شىعارماشىلىق ۇجىمدارى مەن جەكەلەگەن ونەر قايراتكەرلەرىن ەلەۋلى كاسىبي جەتىستىكتەرى ءۇشىن قولداۋعا باعىتتالعانىن اتاپ ءوتتى.
«قاتىسۋشىلاردىڭ وتىنىمدەرى وسى جىلدىڭ 9 جەلتوقسانىنا دەيىن قابىلدانادى. نومينانتتاردىڭ جۇمىسىن قۇرامىنا قازاقستاننىڭ بەلگىلى مادەنيەت جانە ونەر قايراتكەرلەرى كىرەتىن ساراپتاما كوميسسياسىنىڭ مۇشەلەرى باعالايدى. UMAI ۇلتتىق سىيلىعىنىڭ جالپى جۇلدە قورى - 54 ملن تەڭگە. ايتا كەتۋ كەرەك, سىيلىق شىعارماشىلىق ۇجىمدارعا جانە جەكەلەگەن ونەر قايراتكەرلەرىنە 2020 جىلدىڭ قىركۇيەگىنەن 2022 جىلدىڭ شىلدەسىنە دەيىن ەكى تەاتر, كونتسەرت, ونەر ماۋسىمىندا جاسالعان سپەكتاكلدەر, كونتسەرتتەر, شىعارماشىلىق جوبالار, ونەر تۋىندىلارى ءۇشىن بەرىلەدى», دەدى نۇرعيسا داۋەشوۆ.
نومينانتتاردىڭ وتىنىمدەرى UmaiAstanaOpera@gmail.com ەلەكتروندى پوشتاسى ارقىلى قابىلدانادى.
