ء«بىز ءالى دە شەتەلدىك ينۆەستورلار ءۇشىن تارتىمدىمىز. الەمدە قازاقستان حالىقارالىق ىستەردە جاۋاپتى جانە ءوز دامۋىندا ءىرى پروگرەسكە, ءوزارا ءتيىمدى ىنتىماقتاستىققا ۇمتىلاتىن سەرپىندى دامۋشى ەل رەتىندە كەڭىنەن تانىمال. بۇل اسىرەسە كۇردەلى گەوساياسي جاعداي, جالپى ارازدىق پەن سەنىمسىزدىك اتموسفەراسىنىڭ ءوسۋى اياسىندا وتە ماڭىزدى», دەپ اتاپ ءوتتى پرەزيدەنت.
مەملەكەت باسشىسى جاقىندا ەلىمىزدە وتكەن ءدىني كوشباسشىلار فورۋمىنا قاتىسقان ريم پاپاسى فرانتسيسكتىڭ قازاقستان جايلى ايتقان جىلى سوزدەرىن مىسال رەتىندە ايتا كەتتى.
«جاقىندا قازاقستانعا كەلگەن ريم پاپاسى فرانتسيسك ءوزىنىڭ ۋاعىزدارىنىڭ بىرىندە ءبىزدىڭ ەلىمىز «ەو-نىڭ كەزدەسۋ جانە ديالوگ الاڭى» رەتىندە كورىنەتىنىن, «الەمنىڭ بەيبىتشىلىگى مەن ادامي باۋىرلاستىعىن ىلگەرىلەتۋ ءىسىنىڭ قوزعاۋشى كۇشى» بولىپ سانالاتىنىن ايتقان ەدى. ادامزاتتىڭ ەڭ بەدەلدى رۋحاني كوشباسشىلارى مەن پونتيفيكتىڭ بۇل سوزدەرى قازاقستاندى وتە جاقسى سيپاتتايدى جانە ءبىزدىڭ قۇندىلىقتارىمىزدى ەرەكشە كورسەتەدى», دەدى قاسىم-جومارت توقاەۆ.
پرەزيدەنت سونداي-اق ەلىمىزدەگى ساياسي رەفورمالار ازاماتتاردىڭ يگىلىگى ءۇشىن قابىلدانىپ جاتقانىن ايتتى.
«بۇگىن ءبىزدىڭ ەلىمىز جاڭا ساياسي ءداۋىردى اشاتىن ءوز تاريحىنىڭ ماڭىزدى كەزەڭىنەن ءوتىپ جاتىر. بىزدەگى سايلاۋ تسيكلىنىڭ ناتيجەلەرى ەلىمىزدىڭ دامۋى ءۇشىن ساپالى جاڭا جاعدايلار جاسايدى. ءبىر رەتتىك پرەزيدەنتتىك مەرزىم تۋرالى نورمانى بەكىتۋ ەلىمىزدەگى شىنايى دەموكراتيالىق داستۇرلەردى نىعايتۋداعى شەشۋشى قادام بولدى. بۇل بيلىكتى مونوپوليالاۋ ارەكەتتەرىنە كۇشتى توسقاۋىل قويادى جانە قابىلەتتى, جاۋاپتى ساياساتكەرلەردىڭ جاڭا تولقىنىنىڭ پايدا بولۋىنا جاعداي جاسايدى. جاڭارتىلعان كونستيتۋتسيا نەگىزىندە بارلىق نەگىزگى ساياسي ينستيتۋتتار قايتا ىسكە قوسىلادى, بارلىق ازاماتتاردىڭ يگىلىگى ءۇشىن جۇمىس ىستەيتىن جاڭا اشىق جانە باسەكەگە قابىلەتتى ەكونوميكالىق جۇيە قالىپتاستىرىلادى. ءبىز ۇلكەن جولدىڭ باسىندا عانا تۇرمىز», دەدى مەملەكەت باسشىسى.
