جيىندى اشقان پرەزيدەنت قاراعاندى ءوڭىرىنىڭ رۋحاني قازىناسى مول ەكەنىن ەرەكشە اتاپ ءوتتى.
«قاراعاندى تابيعي بايلىعىمەن عانا قازىنالى دەپ اتالماعانى انىق. سارىارقانىڭ ءدال جۇرەگىندە ورنالاسقان ايماقتىڭ رۋحاني قازىناسى دا وراسان زور. تالاي تاريحي وقيعانىڭ كۋاسى بولعان شەجىرەلى ايماقتان قازاقتىڭ كوپتەگەن ءبىرتۋار تۇلعالارى شىققان. قاراعاندى ءوڭىرى – ءاليحان بوكەيحان, جاقىپ اقباەۆ, ءالىمحان ەرمەكوۆ سياقتى الاش ارىستارى دۇنيەگە كەلگەن قاسيەتتى جەر», دەدى مەملەكەت باسشىسى.
قاسىم-جومارت توقاەۆ ەلىمىزدىڭ يندۋستريالىق ورتالىعىنا اينالعان ءوڭىر بۇگىندە قارقىندى دامىپ كەلە جاتقانىن تىلگە تيەك ەتتى.
«قاراعاندى وبلىسى - ەلىمىزدىڭ يندۋستريالىق ورتالىعى. وڭىردە قازاقستاننىڭ ەكونوميكالىق الەۋەتىن دامىتۋدا ماڭىزدى ءرول اتقاراتىن كوپتەگەن تاۋ-كەن-مەتاللۋرگيا جانە كومىر ءوندىرۋ وندىرىستەرى بار. مۇندا رەسپۋبليكا كومىرىنىڭ ۇشتەن ءبىرى جانە مىستىڭ جارتىسىنا جۋىعى, 85%-دان استامى بولات جانە 100% جالپاق يلەك وندىرىلەدى. وبلىس ەلىمىزدىڭ ونەركاسىپ سەكتورىنىڭ لوكوموتيۆى بولىپ سانالادى. بۇگىندە ءوڭىر قارقىندى دامىپ كەلەدى», دەدى پرەزيدەنت كەزدەسۋ بارىسىندا.
