قاۋىپتى ۇيلەردىڭ تۇرعىندارى ەلوردا دامۋ باعدارلاماسى بويىنشا كوشىرىلەدى. اتالعان باعدارلاما ىسكە قوسىلعان ساتتەن باستاپ بارلىعى 4 مىڭ 200 وتباسى اپاتتى ۇيلەردەن كوشىرىلدى.
ء«بىرىنشى كەزەڭ 2013-2017 جىلدار ارالىعىندا ءوتتى, ونىڭ بارىسىندا 228 اپاتتى ءۇي بۇزىلىپ, 3400-دەن استام وتباسى جاڭا اباتتاندىرىلعان تۇرعىن ۇيگە قونىستاندى. 2018 جىلدان 2022 جىلعا دەيىنگى كەزەڭگە ەسەپتەلگەن ەكىنشى كەزەڭدى ىسكە اسىرۋ شەڭبەرىندە 1082 پاتەر كولەمىندە 56 اپاتتى ءۇيدى كوشىرۋ جوسپارلانعان. 2018 جىلى 86 وتباسىنا 9 اپاتتى ءۇي, 2019 جىلى 197 وتباسىنا 16 ءۇي, 2020 جىلى 209 پاتەرگە 5 ءۇي, 2021 جىلى 257 پاتەرگە 7 ءۇي كوشىرىلدى. بۇل ۇيلەردىڭ تۇرعىندارى ابىلاي حان, قاراساي باتىر, تىلەنديەۆ جانە قورداي داڭعىلدارىنداعى اباتتاندىرىلعان جاڭا ۇيلەرگە قونىستاندى. 2022 جىلعا 333 پاتەرلىك 18 اپاتتى ءۇيدى كوشىرۋ جوسپارلانعان. بۇل جالىن, كاتالين كوشەلەرىندەگى باراق ۇلگىسىندەگى ۇيلەر, قۇتپانوۆ, يانۋشكەۆيچ, سەيفۋللين, بارحىتبەل, مۇحامەدجانوۆ كوشەلەرىندەگى ەكى قاباتتى ۇيلەر. قالا اۋداندارى اكىمدەرىنىڭ اپپاراتتارىمەن بىرلەسىپ 2023-2027 جىلدار ارالىعىنداعى كەزەڭگە ارنالعان ەسكى تۇرعىن ءۇيدى بۇزۋ جوسپارى قۇرىلدى, وعان 903 پاتەرگە 59 ءۇي قوسىلدى», دەدى سپيكەر.
