قازاقستان • 04 قازان، 2022

ساحنا مادەنيەتىن ساقتاماعان ءارتىس ايىپپۇل تولەۋى مۇمكىن

59 رەت كورسەتىلدى

قازاقستاندىق ارتىستەردىڭ ساحنا مادەنيەتى تۋرالى ماسەلە قارالۋدا. بۇل تۋرالى قر مادەنيەت جانە سپورت ۆيتسە-ءمينيسترى كۇمىس سەيىتوۆا مالىمدەدى، دەپ حابارلايدى Egemen.kz.

- 2020 جىلى مادەنيەت تۋرالى زاڭناماعا تۇزەتۋلەر ەنگىزىلدى. ولارعا سايكەس كونتسەرتتەر مەن باسقا دا مادەني ءىس-شارالارعا قاتىستى نورمالار كوزدەلگەن. ياعني، ءارتىس ءوزىن كورەرمەندەردىڭ الدىندا دۇرىس ۇستاۋى كەرەك. سونىمەن قاتار، فونوگرامماعا قويىلاتىن تالاپتار دا بار. ەگەر ءانشى فونوگراممامەن ونەر كورسەتسە، ول بۇل تۋرالى ەسكەرتۋى كەرەك. بىراق قولدانىستاعى اكىمشىلىك قۇقىق بۇزۋشىلىق تۋرالى كودەكستە ەشقانداي جازا نەمەسە ايىپپۇل قاراستىرىلماعان، - دەدى ق.سەيىتوۆا.

مينيستر ورىنباسارىنىڭ ايتۋىنشا، زاڭناماعا تۇزەتۋلەر ەنگىزۋ - ۇلكەن پروتسەسس. قازىر ارتىستەردىڭ ساحنا مادەنيەتى تۋرالى ماسەلە زەرتتەلىپ جاتىر. اتاپ ايتقاندا، زاڭدى جانە جەكە تۇلعالارعا قاتىستى 150-دەن 2000 اەك-كە دەيىن ايىپپۇل سالۋ كوزدەلەدى.

ايتا كەتەيىك، بۇل شارالار ءالى كۇشىنە ەنگەن جوق، تەك قاراستىرىلىپ جاتىر.

كۇمىس سەيىتوۆا بۇل ماسەلە ارتىستەرمەن جانە كونتسەرت ۇيىمداستىرۋشىلارىمەن تالقىلاناتىنىن جانە وسى تۇزەتۋلەر جاقىن ارادا كۇشىنە ەنۋى مۇمكىن ەكەنىن تىلگە تيەك ەتتى. 

سوڭعى جاڭالىقتار

دوللار باعامى تومەندەدى

قارجى • بۇگىن، 16:10

ۇقساس جاڭالىقتار