قوعام • 04 قازان، 2022

قازاقستان ازاماتتىعىن الۋعا ءوتىنىش بەرگەن رەسەيلىكتەر سانى بەلگىلى بولدى

47 رەت كورسەتىلدى

قازاقستان ازاماتتىعىن الۋعا 68 رەسەيلىك ءوتىنىش بەردى. بۇل تۋرالى ىشكى ىستەر ءمينيسترى مارات احمەتجانوۆ ايتتى، دەپ حابارلايدى Egemen.kz.

«قازاقستان ازاماتتىعىن الۋعا نەبارى 68 ءوتىنىش ءتۇستى. ازاماتتىق الۋدىڭ بەلگىلى ءبىر جولدارى بار، ولار الدىمەن سولاردان وتەدى»، دەدى مارات احمەتجانوۆ ۇكىمەت وتىرىسىنان كەيىن.

سونىمەن قاتار مينيستر شەتەلدىك ازاماتتار قانداي جاعدايدا قازاقستاننان شىعارىلۋى مۇمكىن دەگەن سۇراققا جاۋاپ بەردى.

«ۇستاپ بەرۋ جانە ەكستراديتسيالاۋ ءتارتىبى بار، بارلىعى ءبىزدىڭ زاڭنامامەن رەتتەلەدى. باسقا نەگىزدەر شىعارۋدى كوزدەمەيدى. ەكستراديتسيالاۋعا نە نەگىز بولا الادى؟ قازاقستان قانداي جاعدايدا ەكستراديتسيالاي الادى؟ ءبىرىنشى سەبەپ، سۇراۋ سالعان مەملەكەتتە وعان قاتىستى قىلمىستىق ءىس قوزعالسا، ول دا ءبىزدىڭ زاڭناماعا سايكەس قىلمىستىق جازالاناتىن ارەكەت رەتىندە تانىلىپ، رەسەي فەدەراتسياسىنىڭ ءتيىستى قۇزىرلى ورگاندارى سانكتسيا بەرۋى ءتيىس»، دەپ ءتۇسىندىردى م.احمەتجانوۆ.

ول ەكستراديتسيالاۋ تۋرالى ءوتىنىشتى رەسەي فەدەراتسياسىنىڭ باس پروكۋرورى قازاقستاننىڭ باس پروكۋرورىنا جىبەرەتىنىن ءتۇسىندىردى.

«قۇجات قابىلدانعاننان كەيىن، ول شىنىمەن قىلمىستىق جازالاناتىن ارەكەتتى جاسادى ما، بۇل ارەكەت شىنىمەن دە زاڭ بويىنشا قىلمىستىق قۇقىق بۇزۋشىلىق دەپ تانىلدى ما دەگەن سۇراقتاردى ناقتىلاپ الۋ قاجەت. شەتەلدىك ازاماتتى ەكستراديتسيالاۋ كەزىندە، ياعني ولاردىڭ بوسقىن مارتەبەسى جانە باسقا دا زاڭدى نەگىزدەرى بولسا، ءبىز باس تارتاتىن بەلگىلى ءبىر حالىقارالىق مىندەتتەمەلەر بار»، دەدى ءىىم باسشىسى.

 

سوڭعى جاڭالىقتار

ۇمىتىلماس تاريحي ءسات

پىكىر • بۇگىن، 07:43

باتىل كوزقاراس، بايىپتى جول

پىكىر • بۇگىن، 07:42

ەل سەنىمىن ارتتىرعان

پىكىر • بۇگىن، 07:41

قاپىسىز حالىق قالاۋى

پىكىر • بۇگىن، 07:40

شاعىن بيزنەستىڭ شاراپاتى

بيزنەس • بۇگىن، 07:39

ساپالى ينتەرنەت قولجەتىمدى

قوعام • بۇگىن، 07:35

ۇقساس جاڭالىقتار