ۇكىمەت • 04 قازان، 2022

بىرىڭعاي قالا قۇرىلىسى كاداسترى ەنگىزىلەدى

50 رەت كورسەتىلدى

قر پرەمەر-ءمينيسترى ءاليحان سمايىلوۆتىڭ توراعالىعىمەن وتكەن ۇكىمەت وتىرىسىندا مەملەكەتتىك قالا قۇرىلىسى كاداسترىن ەنگىزۋ ماسەلەسى قارالدى، دەپ حابارلايدى Egemen.kz primeminister.kz-كە سىلتەمە جاساپ.

يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆتىڭ حابارلاۋىنشا، اۆتوماتتاندىرىلعان جۇيە - تسيفرلىق باس جوسپارلاردى، ەگجەي-تەگجەيلى جوسپارلاۋ جوبالارىن، عيماراتتار مەن قۇرىلىستاردىڭ ورنالاسۋى، ينجەنەرلىك ينفراقۇرىلىم، كوشە-جول جەلىسى، سونداي-اق اباتتاندىرۋ تۋرالى دەرەكتەردى جيناۋدى، وڭدەۋدى جانە ساقتاۋدى قامتاماسىز ەتەدى. 

قالا قۇرىلىسى كاداسترىنىڭ تاقىرىپتىق دەرەكتەر بازاسى، ءوڭىردىڭ ەكونوميكالىق ماماندانۋىن، ينفراقۇرىلىمدىق قامتاماسىز ەتىلۋىن، وڭىردە ۇقساس وبەكتىلەردىڭ بولۋىن جانە ولاردىڭ جۇكتەمەلىگىن ەسكەرە وتىرىپ، ينۆەستيتسيلىق جوبالاردى وڭتايلى ورنالاستىرۋدى تاڭداۋعا، سونداي-اق الەۋمەتتىك وبەكتىلەردىڭ تسيفرلىق دەرەكتەرىنىڭ بولۋى، تىرشىلىك ينفراقۇرىلىمىن بازالىق قامتاماسىز ەتۋدى باعالاۋعا مۇمكىندىك بەرەدى.

قالا قۇرىلىسى كاداسترى اياسىندا وبەكتىنىڭ بىرەگەي ءنومىرىن ەنگىزۋ پىسىقتالىپ جاتىر. بۇل بىرىزدەندىرۋ، جەكە سايكەستەندىرۋ نومىرمەن ۇقساستىعى بويىنشا ساۋلەت-جوسپارلاۋ تاپسىرماسىن بەرۋدى، باس جوسپارلارعا سايكەس جۇيەدە ەسكيزدىك جوبانى كەلىسۋدى قامتاماسىز ەتەدى. سونىمەن قاتار قۇجاتتاردىڭ نىسانالى ماقساتقا سايكەستىگىنە تۇپكىلىكتى تەكسەرۋ جۇرگىزۋگە مۇمكىندىك بەرەدى. جانە ينفراقۇرىلىمدىق دەرەكتەردى تسيفرلاندىرۋ ەسەبىنەن تەحنيكالىق شارتتاردى الۋدىڭ اشىق پروتسەسى قالىپتاستىرىلادى.

پرەمەر-مينيستر كوپشىلىك ۇدايى كوتەرەتىن قالالارداعى بەيبەرەكەت جانە تىعىز قۇرىلىس ماسەلەسىن شەشۋ قاجەتتىلىگىنە نازار اۋداردى.

وسى تاقىرىپ بويىنشا تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين، اتىراۋ وبلىسىنىڭ اكىمى سەرىك شاپكەنوۆ جانە قاراعاندى وبلىسىنىڭ اكىمى جەڭىس قاسىمبەك بايانداما جاسادى.

پرەمەر-مينيستر مەملەكەت باسشىسىنىڭ جولداۋىن ىسكە اسىرۋ اياسىندا حالىق پەن بيزنەسكە جەر ۋچاسكەلەرى مەن ينجەنەرلىك سحەمالار تۋرالى اشىق اقپارات بەرىلەتىنىن اتاپ ءوتتى.

«سول ءۇشىن بۇكىل ەل اۋماعى بويىنشا بىرىڭعاي قالا قۇرىلىسى كاداسترى مەن ساراپتاماسى ەنگىزىلىپ جاتىر. جەر ۋچاسكەلەرى مەن ينفراقۇرىلىم جەلىلەرىنىڭ ينتەراكتيۆتى كارتاسى دايىندالۋدا. ول تۇرعىندار مەن كاسىپورىندارعا ينجەنەرلىك جانە كوممۋنالدىق نىساندارعا جەدەل قوسىلۋعا مۇمكىندىك بەرەدى»، دەدى ءاليحان سمايىلوۆ.

ونىڭ ايتۋىنشا، قالا قۇرىلىسى ساراپتاماسى قالالى جەردەگى بەيبەرەكەت جانە ساپاسىز قۇرىلىستاردى توقتاتۋعا، قالا تۇرمىسىنا قولايلى جاعداي جاساۋعا باعىتتالعان.

«بۇل شارالار قۇرىلىستى جوبالاۋ كەزىندە قاراجاتتى بارىنشا ۇنەمدەۋگە جانە قۇرىلىس تالاپتارىن قاتاڭ ساقتاۋعا مۇمكىندىك بەرەدى. ينتەراكتيۆتى كارتالاردا بوس جاتقان جەر ۋچاسكەلەرى مەن ينفراقۇرىلىم تۋرالى سوڭعى مالىمەتتەر بولادى»، دەدى پرەمەر-مينيستر.

ءاليحان سمايىلوۆ 2023 جىلدىڭ سوڭىنا دەيىن مەملەكەتتىك قالا قۇرىلىسى كاداسترىن تولىعىمەن ەنگىزۋدى جانە اۆتوماتتاندىرۋدى، كاداسترلىق اقپاراتتىق جۇيەلەردىڭ ينتەگراتسياسىن قامتاماسىز ەتۋدى، سونداي-اق وڭىرلىك جەلىلەردى ينۆەنتاريزاتسيالاۋ ۇلەسىن جىل سوڭىنا دەيىن 75%-عا، ال 2024 جىلعا قاراي 100%-عا دەيىن جەتكىزۋدى تاپسىردى.

سوڭعى جاڭالىقتار

ۇمىتىلماس تاريحي ءسات

پىكىر • بۇگىن، 07:43

باتىل كوزقاراس، بايىپتى جول

پىكىر • بۇگىن، 07:42

ەل سەنىمىن ارتتىرعان

پىكىر • بۇگىن، 07:41

قاپىسىز حالىق قالاۋى

پىكىر • بۇگىن، 07:40

شاعىن بيزنەستىڭ شاراپاتى

بيزنەس • بۇگىن، 07:39

ساپالى ينتەرنەت قولجەتىمدى

قوعام • بۇگىن، 07:35

جاس ساياساتكەر مەكتەبى

قوعام • بۇگىن، 07:33

ماماندىق تاڭداۋدىڭ ماڭىزى

قوعام • بۇگىن، 07:31

شابانباي بيگە قۇرمەت

ايماقتار • بۇگىن، 07:30

ۇقساس جاڭالىقتار