پىكىر • 04 قازان، 2022

جاڭاشىلدىققا جاڭىلماي جەتسەك...

59 رەت كورسەتىلدى

مەملەكەت باسشىسى قاسىم-جومارت كەمەل ۇلى توقاەۆ 2022 جىلدىڭ 20 قاراشاسىندا قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن تاعايىنداۋ تۋرالى جارلىققا قول قويدى. بۇل ماڭىزدى قادام جۇرتشىلىقتىڭ جارقىن بولاشاققا دەگەن سەنىمىن ارتتىرا تۇسكەنى انىق.

الداعى سايلاۋدا جەڭىسكە جەت­كەن كانديدات ەلدى جەتى جىل باسقا­رادى جانە ول ەڭ جوعارى لاۋازىمدى قىزمەتتى ءبىر-اق مەرزىم اتقارادى، قايتا سايلانا المايدى. بۇل نورما اتا زاڭىمىزبەن تولىقتاي بەكىتىلدى.

اتالعان قادام – ەلىمىزدىڭ دەمو­كرا­تيالىق قۇندىلىقتارعا بەت بۇ­رۋىنىڭ باستى كورىنىستەرىنىڭ ءبىرى جانە بۇل الەمدىك تاجىريبەدە دە كەزدەسەدى. ما­سە­لەن، يزرايل، يتاليا، يرلانديا سەكىلدى مەملە­كەت­­تەردە مۇنداي تاجىريبە بۇ­رىننان بار.

شىنى كەرەك، ەلىمىز ۇلكەن وزگە­رىس­تەردىڭ الدىندا تۇر. ول ۇدە­­رىستەر باستالىپ تا كەتتى. ال پرە­زي­دەنتتىڭ وسى شەشىمى وز­گەرىس­تەر­دىڭ ناقتى دەموكراتيالىق باعىتتا ءوربىپ جاتقانىن انىق كورسەتەدى.

ەل پرەزيدەنتى جولداۋ بارىسىندا شيكىزاتتىق وندىرىستەن ونەركاسىپتىك وندىرىسكە بەت بۇرۋ، ناقتى سەكتوردى دامىتۋ، الەۋمەتتىك سالاعا باسا ءمان بەرۋ، ازاماتتاردى بارىنشا ءونىمدى جۇمىسپەن قامتۋ، كاسىپكەرلىكتى قولداۋ سەكىلدى مەملەكەتتىك ساياساتتىڭ باسىم باعىتتارىن ايقىندادى. وسى جانە وزگە دە ماڭىزدى سالالار سايلاۋدان كەيىنگى ەلىمىزدىڭ ەكونوميكالىق-الەۋ­مەتتىك دامۋىنىڭ باستى باعىت­تارىنا اينالادى دەگەن سەنىم مول. مەملەكەت باسشىسى حا­لىققا جولداعان ۇندەۋىندە سايلاۋ­دىڭ قاتاڭ تۇردە زاڭعا سايكەس شەتەلدىك، وتاندىق بايقاۋ­شى­لاردىڭ قاتىسۋىمەن ءادىل ءارى اشىق وتەتىنىن شەگەلەپ ايتتى. ادىلەتتى قازاقستانعا قادام باسقانىمىزدى سەزىنەتىن كۇن الىس ەمەس.

ءمان بەرىپ قارايتىن بولساق، پرەزي­دەنتتىڭ ايتىپ وتىرعان ويلارى قانشالىقتى وزەكتى ەكەنىن ۇعىنۋ قيىن ەمەس. ەكونوميكا­لىق سىن-قاتەرلەر ءسات ساناپ ار­تىپ كەلەدى. وسى ورايدا ەلى­مىزدە جۇر­گىزىلىپ جاتقان الەۋمەتتىك-ساياسي، ەكونوميكالىق رەفورما­لار ترانسفورماتسياسىنىڭ ساباق­تاستىقپەن جالعاسىن تابۋى وتە ماڭىزدى.

بۇگىنگە دەيىن جۇرگىزىلگەن رەفور­مالاردىڭ ساۋاتتى جالعاسىن تابۋى ءۇشىن ادىلەتتى قازاقستان جاعدايىندا پرەزيدەنتكە حالىق­تىڭ سەنىمى كەرەك. سوندىقتان الدى­مىزدا وتەتىن كەزەكتەن تىس پرەزيدەنت سايلاۋىنىڭ تەك ساياسي عانا ەمەس، ەل اراسىنداعى بىرلىكتى، ۇلتتىق ۇندەستىكتى نىعايتۋ جولىندا رۋحاني استارى دا بار.

بۇل سوزىمىزگە دايەك بولسىن، مەملەكەت باسشىسى تۇركى­ستان وبلىسىنا ساپارى كە­زىندە مەملەكەتتىگىمىزدى ساق­­تاپ، ءوسىپ-وركەندەۋىمىز ءۇشىن ەل بىر­لىگى اۋاداي قاجەت ەكەنىن، ال بەي­بىت­شىلىكتىڭ، تىنىشتىق پەن تۇراقتىلىقتىڭ كەپىلى بىر­لىكتە ەكەنىن، الەمدەگى بولىپ جات­قان شيەلەنىستەرگە قاتىستى ەلى­مىزدىڭ مۇددەسى حالىقارالىق ۇيىمداردىڭ ۇستانىمدارىمەن ۇشتاساتىنىن، كۇردەلى جاعدايدا ءبىز ءۇشىن ەڭ باستى كۇش – بىرلىك، پاراساتتىلىق جانە توزىمدىلىك ەكەنىن باسا ايتقان بولاتىن.

ءبىز ءبىر دۇنيەنى قاپەردەن شىعارماساق دەيمىن. قانداي دا ءبىر رەفورما ءبىر كۇندىك دۇنيە ەمەس. اۋىل مەن اۋىلدىڭ اراسىن جالعايتىن جولدى وزگەرتۋدىڭ ءوزى وراسان جۇمىستى تالاپ ەتەدى. ال ەلدىڭ جاڭا باعىتىن ايقىنداۋ قانشاما جۇمىس، قايرات پەن ۋاقىتتى تالاپ ەتەتىنىن ءوزىڭىز ساراپتاپ، اڭداپ كورىڭىز. باستىسى، ءبىز جاڭا باعىتىمىزدى تاڭدادىق. ادىلەتتى قازاقستان قۇرۋ جولىندا تالاي سىن كەزدەسەتىنى ءسوزسىز. بىراق مەن وسى باعىتتى ابىرويلى اتقارىپ وتەتىنىمىزگە سەنەمىن.

ادىلەتتى مەملەكەت، ءبىرتۇتاس ۇلت، بەرەكەلى قوعام قۇرۋدى ماقسات ەتكەن مەملەكەت باسشى­سىنىڭ دەموكراتيالىق قوعامعا جول باس­تاي­تىن باستامالارىن قول­داي وتى­رىپ، ونىڭ ەلىمىزدىڭ ومىرى­نە ەتە­نە ەنۋىنە بارشامىز ءبىر اۋىز­دان اتسالىسۋىمىز قاجەت دەپ ەسەپتەيمىن.

 

ناريمان تورەعاليەۆ،

سەنات دەپۋتاتى

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

شەكارانى بۇكىل ەل قورعايدى

قوعام • 02 جەلتوقسان، 2022

دوللار باعامى قايتا ءوستى

قارجى • 02 جەلتوقسان، 2022

ۇقساس جاڭالىقتار