تولەبي اۋداندىق پوليتسيا ءبولىمىنىڭ پوليتسەيلەرى ماس كۇيىندە رۋلگە وتىرعان ۆاز-2103 كولىگىنىڭ جۇرگىزۋشىسىن بايقاعان. وسى كەزدە جۇرگىزۋشى توقتاۋدىڭ ورنىنا جىلدامدىعىن ارتتىرىپ, قاشۋعا ارەكەتتەنگەن. كەيىن كولىك باسقا كولىكتەرمەن سوقتىعىسقان.
وقيعا سالدارىنان «ۆاز-2103» كولىگىنىڭ جۇرگىزۋشىسى وقيعا ورنىندا كوز جۇمدى, ونىڭ جولاۋشىسى مەن «اۋدي 100» كولىگىنىڭ جۇرگىزۋشىسى ءتۇرلى دەنە جاراقاتتارىمەن اۋرۋحاناعا جەتكىزىلدى. اپاتقا بايلانىستى بىرقاتار ساراپتاما تاعايىندالدى.
قايتىس بولعان جۇرگىزۋشىنىڭ تۋىستارى جول اپاتىنا بايلانىستى پوليتسياعا شاعىم تۇسىرگەن. ولاردىڭ ءوتىنىشى بىردەن تىركەلدى. تۇركىستان وبلىسى ءىىد ىشكى قاۋىپسىزدىك باسقارماسى قىزمەتتىك تەكسەرىس جۇرگىزىپ جاتىر.
وقيعانىڭ سەبەپتەرى مەن ءمان-جايىن انىقتاۋ بويىنشا كەشەندى تەرگەۋ شارالارى جۇرگىزىلۋدە. تەرگەۋ قورىتىندىسى بويىنشا ءتيىستى شەشىم قابىلدانادى.
