احمەت بايتۇرسىن ۇلى • 03 قازان، 2022

احمەت بايتۇرسىن ۇلىنىڭ مەرەيتويى پاريجدە اتاپ وتىلەدى

113 رەت كورسەتىلدى

4 قازاندا پاريج قالاسىنداعى يۋنەسكو شتاب-پاتەرىندە كورنەكتى قوعام قايراتكەرى، لينگۆيست جانە جازۋشى احمەت بايتۇرسىن ۇلىنىڭ 150 جىلدىق مەرەيتويىنا ارنالعان «دوڭگەلەك ۇستەل» وتەدى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى، دەپ حابارلايدى Egemen.kz.

ءىس-شاراعا قازاقستان عىلىم جانە جوعارى ءبىلىم ۆيتسە-ءمينيسترى تالعات ەشەنقۇلوۆ، يۋنەسكو باس ديرەكتورىنىڭ ورىنباسارى، سونىمەن بىرگە ازەربايجان، قازاقستان، تۇركيا جانە گەرمانيا عالىمدارى قاتىسادى دەپ كۇتىلۋدە.

سول كۇنى وپەرا جانە ەسترادا ءانشىسى روزا باعلانوۆانىڭ 100 جىلدىق مەرەيتويىنا وراي «سازگەن سازى» ەتنو-فولكلورلىق ءانسامبلى، حالىق ءارتىسى نۇرجامال ۇسەنباەۆا، قازاقستاننىڭ ەڭبەك سىڭىرگەن قايراتكەرلەرى مەدەت چوتاباەۆ، جۇبانىش جەكسەن ۇلى، رەنات گايسين، سونداي-اق حالىقارالىق بايقاۋلاردىڭ لاۋرەاتى ەركە ەسماحاننىڭ قاتىسۋىمەن سالتاناتتى كونتسەرت وتەدى.

ەسكە سالا كەتسەك، وتكەن جىلى يۋنەسكو باس كونفەرەنتسياسىنىڭ 41-ءشى سەسسياسىندا بۇل ەكى ماڭىزدى كۇن يۋنەسكو-نىڭ 2022-2023 جىلدارعا ارنالعان اتاۋلى كۇندەر تىزىمىنە ەنگىزىلگەن.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار